” ພົບຜູ້ມາມົ້ວສຸມ 28 ຄົນ ຢູ່ຮ້ານອາຫານຣີສອດ 69 “
+ ວັນທີ 11 ທັນວາ 2021 ກອງບັນຊາການ ປກສ ເມືອງນາຊາຍທອງ ໄດ້ຮັບແຈ້ງວ່າ: ຮ້ານອາຫານຣີສອດ 69 ບ້ານຫ້ວຍນ້ຳເຢັນ ເມືອງນາຊາຍທອງ ນະຄອນຫຼວງວຽງຈັນ
ລະເມີດຂໍ້ຫ້າມ ແລະ ແຈ້ງການເລກທີ 41/ ສພກ.ນວ ,ລົງວັນທີ 15 ພະຈິກ2021 ວ່າດ້ວຍການສະກັດກັ້ນ, ຄວບຄຸມການແຜ່ລະບາດພະຍາດໂຄວິດ-19. ເຊິ່ງເປັນຮອບທີ 2.
+ ພັທ ບຸນມີ ກັນຕິຍະວົງ ຮອງຫົວໜ້າກອງບັນຊາກນ ປກສເມືອງນາຊາຍທອງ ໃຫ້ຮູ້ວ່າ: ພວກເຮົາ ໄດ້ສົມທົບກັບກອງບັນຊາການທະຫານເມືອງ ນາຊາຍທອງ ພາຍຫລັງໄດ້ຮັບແຈ້ງຄວາມ ລົງກວດກາຮ້ານຣີສອດ 69 ພົບເຫັນຜູ້ມາໃຊ້ບໍລິການ ມົ້ວສຸມສິ່ງມຶນເມົາ 28 ຄົນ ຍິງ10 ຄົນ.
+ ໃນນີ້, ຈຳນວນໜຶ່ງກວດປັດສະວະພົບເຫັນສານເສບຕິດໃນຮ່າງກາຍ ແລະ ບັ້ງແກັດປຸມເປົ້າ 2 ບັ້ງ, ເຊິ່ງເປັນຂອງ ທ້າວ ໄພວິສິດ ຢູ່ບ້ານຈອມມະນີ ເມືອງໄຊເສດຖາ ນວ ສອບຖາມເບື້ອງຕົ້ນຜູ້ກ່ຽວໃຫ້ການວ່າ ຄັ້ງນີ້ເປັນເທື່ອທີ 2 ແລ້ວທີ່ຕົນລະເມີດ.
ຕໍ່ແຈ້ງການຂອງຂັ້ນເທິງ, ເຈົ້າໜ້າທີ່ໄດ້ນຳຕົວພວກກ່ຽວຂຶ້ນມາຫ້ອງການ ປກສ ເມືອງ ເພື່ອສຶກສາອົບຮົມ ແລະ ນໍໃຊ້ມາດຕະການປັບໃໝ.
ພາບ-ຂ່າວ: ປກສ ນວ
