ມອບ-ຮັບບ້ານຈັດສັນເມືອງມ່ວນ ທີ່ໄດ້ຮັບຜົນກະທົບຈາກໂຄງການກໍ່ສ້າງເຂື່ອນໄຟຟ້ານໍ້າເທີນ 1.

ມອບ-ຮັບບ້ານຈັດສັນເມືອງມ່ວນ ທີ່ໄດ້ຮັບຜົນກະທົບຈາກໂຄງການກໍ່ສ້າງເຂື່ອນໄຟຟ້ານໍ້າເທີນ 1.

ຖະແຫລ່ງຂ່າວຈາກ ເມືອງວຽງທອງ ແຂວງບໍລິຄຳໄຊ ໃຫ້ຮູ້ວ່າ: ໃນວັນທີ 2 ກັນຍາ 2021 ຢູ່ບ້ານຈັດສັນ ບ້ານເມືອງມ່ວນ ເມືອງວຽງທອງ ໄດ້ຈັດພິທີ ມອບ-ຮັບ ບ້ານຈັດສັນເມືອງມວນ ພາຍຫລັງກໍ່ສ້າງສໍາເລັດ ໂດຍມີ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ, ທ່ານ ສຸວັນນີ ໄຊຊະນະ ປະທານສະພາປະຊາຊົນແຂວງບໍລິຄໍາໄຊ, ມີທ່ານເຈົ້າເມືອງວຽງທອງ, ຮອງຜູ້ອໍານວຍການໃຫຍ່ບໍລິສັດນໍ້າເທີນ 1 ແລະ ພາກສ່ວນກ່ຽວຂ້ອງ ເຂົ້າຮ່ວມ.

ທ່ານ ປໍລີ ຜູ້ຈັດການພາກສະໜາມ ໄດ້ຜ່ານບົດລາຍງານ ການກໍ່ສ້າງບ້ານຈັດສັນ ບ້ານເມືອງມ່ວນ ໃຫ້ປະຊາຊົນທີຖືກຜົນກະທົບຈາກໂຄງການກໍ່ສ້າງເຂື່ອນໄຟຟ້ານໍ້າເທີນ 1ໂດຍໄດ້ເລີ່ມບຸກເບີກກໍ່ສ້າງມາແຕ່ກາງເດືອນ ມີນາ 2020 ມາຮອດ ວັນທີ 23 ສິງຫາ 2021 ໄດ້ສໍາເລັດ, ເຊິ່ງປະກອບມີ ເຮືອນທັງໝົດ 88 ຫລັງ, ມີ 4 ຂະໜາດຄື: ຂະໜາດ 48 ຕາແມັດ ຈໍານວນ 1 ຫລັງ, ຂະໜາດ 50 ຕາແມັດ 14 ຫລັງ, ຂະໜາດ 60 ຕາແມັດ 41 ຫລັງ ແລະ ຂະໜາດ 70 ຕາແມັດ 32 ຫລັງ, ພ້ອມນີ້ ຍັງໄດ້ກໍ່ສ້າງໂຮງຮຽນປະຖົມ 1 ຫລັງ ຂະໜາດ 508 ຕາແມັດ ປະກອບມີ 6 ຫ້ອງ, ສ້າງຫ້ອງການບ້ານ 1 ຫລັງ ຂະໜາດ 96 ຕາແມັດ, ໄດ້ກໍ່ສ້າງກັນເຈື່ອນຂອງເນື້ອທີ່ດິນປຸກເຮືອນ ຄວາມຍາວ 293 ແມັດ, ສູງ 2 ແມັດ, ກໍ່ສ້າງເສັ້ນທາງພາຍໃນບ້ານ ຍາວ 1.919 ແມັດ, ກວ້າງ 7 ແມັດ ແລະ ສໍາເລັດການດຶງຕາຂ່າຍໄຟຟ້າ 22 ກິໂລໂວນ ແລະ 0,4 ກິໂລໂວນ ເຂົ້າບ້ານ.

Related Posts

Leave a Reply

Your email address will not be published.