ດ່ວນ! ປິດການເຂົ້າ-ອອກ ເມືອງຊຳເໜືອ 13 ວັນ ເລີ່ມ 20 ພະຈິກ ຫາ 3 ທັນວາ

ໃນວັນທີ 20 ພະຈິກ 2021 ນີ້ ເຈົ້າເມືອງຊຳເໜືອ, ແຂວງຫົວພັນ ອອກຄຳສັ່ງປິດການເຂົ້າອອກເມືອງຊຳເໜືອຊົ່ວຄາວ ເນື່ອງຈາກເຫັນວ່າມັນມີຄວາມສ່ຽງທີ່ຈະລະບາດຂອງພະຍາດໂຄວິດ-19 ໄປສູ່ຫຼາຍບ້ານຂອງເມືອງຊຳເໜືອ. ພ້ອມເຈົ້າເມືອງຊຳເໜືອ ອອກຄໍາສັ່ງດັ່ງນີ້:

1. ປິດການເຂົ້າ-ອອກເມືອງຕໍ່ເມືອງ, ບ້ານຕໍ່ບ້ານຂອງເມືອງຊຳເໜືອ ນັບແຕ່ວັນທີ 20 ພະຈິກ ຫາ ວັນທີ 3 ທັນວາ 2021 (ຍົກເວັ້ນຄະນະສະເພາະກິດຂັ້ນເມືອງທີ່ເຄື່ອນໄຫວວຽກງານ).2. ປິດການຮຽນ-ການສອນທຸກຊັ້ນຮຽນທົ່ວເມືອງຊຳເໜືອ ເພື່ອຮັກສາໄລຍະຫ່າງໃນສັງຄົມ.

3. ມອບໃຫ້ບັນດາຫ້ອງການອ້ອມຂ້າງເມືອງ, ອົງການທຽບເທົ່າຂັ້ນເມືອງຈັດຜຽນໃຫ້ພະນັກງານ-ລັດຖະກອນມາປະຈໍາການໃນແຕ່ລະວັນຕາມຄວາມເໝາະສົມ ເລີ່ມແຕ່ວັນທີ 22 ພະຈິກ ຫາ ວັນທີ 3 ທັນວາ 2021, ຍົກເວັ້ນທະຫານ, ຕຳຫຼວດ, ເຈົ້າໜ້າທີ່ດັບເພີງ, ພະນັກງານທີ່ຮັບຜິດຊອບລະບົບໄຟຟ້າ, ນ້ຳປະປາ, ໂທລະຄົມມະນາຄົມ, ການສື່ສານ, ການຂົນສົ່ງ, ສາທາລະນະສຸກ, ຜູ້ທີ່ໄດ້ຮັບການມອບໝາຍໃຫ້ປະຈຳການ.

4. ປິດກິດຈະກໍາການຫຼິ້ນກິລາໃນຮົ່ມ ແລະ ກາງແຈ້ງທຸກປະເພດ, ຫ້າມຈັດງານແຂ່ງຂັນກິລາທຸກປະເພດຈົນກ່ວາຈະມີແຈ້ງການອະນຸມັດໃຫ້ເປີດຢ່າງເປັນທາງການ.5. ປິດຮ້ານບັນເທິງ, ຮ້ານຄາຣາໂອເກະ, ຮ້ານກິນດື່ມ ແລະ ຮ້ານສະນຸກເກີທຸກປະເພດ.6. ຫ້າມຈັດງານບຸນປະເພນີ, ງານລ້ຽງ, ງານດອງ, ງານສ້າງສັນ ຫຼື ຊຸມແຊວຕ່າງໆ.

7. ຫ້າມຈັດກອງປະຊຸມ, ໂຮມຊຸມນຸມ ຫຼື ຈັດກິດຈະກຳຕ່າງໆໂດຍທີ່ບໍ່ໄດ້ຮັບອະນຸຍາດຈາກຄະນະສະເພາະກິດຕ້ານພະຍາດໂຄວິດ-19ຂັ້ນເມືອງ8. ຫ້າມສວຍໃຊ້ໂອກາດກັກຕູນ ຫຼື ຂຶ້ນລາຄາສິນຄ້າອຸປະໂພກ, ບໍລິໂພກ, ອຸປະກອນການແພດ ແລະ ສິນຄ້າອຶ່ນໆທີ່ມີຄວາມຈໍາເປັນຕໍ່ການດຳລົງຊີວິດປະຈຳວັນ9. ຫ້າມຄົນເມືອງຊຳເໜືອເດີນທາງໄປຕ່າງເມືອງ, ຕ່າງແຂວງ. ຫ້າມຄົນຕ່າງເມືອງ, ຕ່າງແຂວງເດິນທາງເຂົ້າມາເມືອງຊຳເໜືອ, ຍົກເວັ້ນຜູ້ທີ່ມີພູມລໍາເນົາ, ເຮັດວຽກປະຈໍາຢູ່ເມືອງຊຳເໜືອ, ຜູ້ທີ່ໄດ້ຮັບອະນຸຍາດຈາກຄະນະສະເພາະກິດ. ພ້ອມມາດຕະການອື່ນໆ.

Related Posts

Leave a Reply

Your email address will not be published. Required fields are marked *