ແຊຣບອກຕໍ່..!! ນີ້ແມ່ນໝາກຕ໋ອບແຕັບ ຢາດີປົວຖົງນ້ຳບີອັກເສບ ແລະ ຕັບອັກເສບ ກິນແລ້ວດີປານປິດຖີ້ມ

ລັກສະນະພືດ ສາດ: ເປັນພືດລົ້ມລຸກ ອາຍຸ 1 ປີ ມີຄວາມສູງປະມານ 50 ຊມ ທັງຕົ້ນປົກຄຸມໄປດ້ວຍຂົນ , ແຕກກິ່ງກ້ານບໍລິເວນຍອດ , ມີກ້ານຂະໜາດນ້ອຍ. ໃບດ່ຽວ, ແຜ່ນໃບຮູບໄຂ່ 2-8*1-5 ຊມ , ປາຍແຫລມ, ຂອບລຽບ ,ຜິວໃບມີຂົນຂຶ້ນປົກຄຸມ ທັງສອງດ້ານ, ກ້ານໃບຍາວປະມານ 1-4 ຊມ.

ດອກອອກເປັນດອກດ່ຽວ ຊຶ່ງຈະອອກບໍລິເວນຊອກໃບ ,ດອກເປັນຮູບປາກແກ ແຕກອອກເປັນ 5 ແຊກ ຢູ່ປາຍກາບດອກ, ກ້ານດອກຍາວປະມານ 5 ມມ ດອກເປັນສີເຫຼືອງອົມຂຽວ , ຍາວປະມານ 8 ມມ, ມີເກສອນເພດຜູ່ 5 ອັນ ແລະເກສອນແມ່ 1 ອັນ.

ໝາກອອກຢູ່ບໍລິເວນຊອກໃບ , ມີກາບດອກຫຸ້ມຢູ່ ມີລັກສະນະເປັນຮູບ 5 ຫຼ່ຽມ, ມີຂະໜາດເສັ້ນຜ່າສູນກາງປະມານ 1-1,5 ຊມ , ພາຍໃນມີໝາກສີເຫຼືອງ ໃນໝາກມີຮູບແກ່ນກົມເປ , ສີຂາວອົມຂຽວ.

ສັບພະຄຸນ: ການນຳໃຊ້ໝົດຕົ້ນ ເປັນຢາແກ້ອາການເຈັບຄໍ , ຄໍອັກເສບ , ຮັກສາຕ່ອມທອນຊີລອັກເສບດ້ວຍການນຳໃຊ້ທັງຕົ້ນ ນຳມາຕຳລພລາຍກັບເຫລົ້າ ແລ້ວເອົາສຳລີຈຸ່ມນໍ້າຢາອົມໄວຂ້າງໆແກ້ມແລ້ວຄ່ອຍໆກືນນໍ້າຢາເທື່ອລະໜ້ອຍ.

ນອກນັ້ນ ຍັງຮັກສາຕັບອັກເສບ , ຖົງນໍ້າບີອັກເສບ ໃຫ້ໃຊ້ທັງຕົ້ນ ແລະ ໝາກ 30 ກຼາມ ນຳມາຕົ້ມກັບນໍ້າ ແບ່ງໄວ້ຮັບປະທານ ວັນລະ 3 ຄັ້ງ ຕິດຕໍ່ 5-10 ວັນ , ພົບວ່າອາການໂຕເຫຼືອງຫາຍເປັນປົກກະຕິ.

ນອກນີ້ ຍັງມີສັບພະຄຸນ: ຮັກສາໂລກເບົາຫວານ , ແກ້ອາການເຈັບຫົວ,ປວດຫູ , ຊ່ວຍຂັບພະຍາດໃນລຳໄສ້ , ເປັນຢາລະບາຍ, ແກ້ພິດ , ແກ້ບວມນໍ້າ ແລະ ແກ້ອາການຟົກຊໍ້າ ໝາກສຸກ ແລະ ຍອດອ່ອນສາມາດກິນເປັນອາຫານໄດ້ອີກດ້ວຍ.

Related Posts

Leave a Reply

Your email address will not be published. Required fields are marked *