ສູນປິ່ນປົວພະຍາດໂ ຄ ວິ ດ ໂພນໂຮງ ສາມາດປົ່ວປົວຜູ້ຕິດເຊື້ອ ແລະ ສົ່ງຜູ້ຫາຍດີຄືນກັບບ້ານໄດ້ 42 ຄົນ

ໂພນໂຮງ.ໃຫ້ກຽດເຂົ້າຮ່ວມຕິດຕາມການສົ່ງຜູ້ຫາຍດີຄືນກັບບ້ານຄັ້ງນີ້

ໃນວັນທີ 5 ຕຸລາ 2021 ນີ້ ຢູ່ທີ່ສູນປິ່ນປົວພະຍາດໂຄວິດ19 ໂພນໂຮງ.ໃຫ້ກຽດເຂົ້າຮ່ວມຕິດຕາມການສົ່ງຜູ້ຫາຍດີຄືນກັບບ້ານຄັ້ງນີ້ ໂດຍ ທ່ານ ສົມປະສົງ ສຸວົງຄຳຈັນ ເຈົ້າເມືອງໆໂພນໂຮງ, ມີ ຄະນະທີມແພດ ຈາກໂຮງໝໍແຂວງວຽງຈັນ , ຄະນະຮັບຜິດຊອບ ຫ້ອງການສາທາລະນະສຸກເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດດັ່ງກ່າວນີ້ ທ່ານ ໝໍ ນາງ ຈັນຫອມ ພອນສະຫວັນ ໂຮງໝໍ ແຂວງວຽງຈັນ ຜູ້ຮັບຜິດຊອບ ການປິ່ນປົວ ຢູ່ສູນໂພນໂຮງ ໄດ້ລາຍງານໂດຍຫຍໍ້ໃນການຕິດຕາມການຮັກສາຜູ້ທີ່ຕິດເຊື້ອໂຄວິດ19 ທີ່ມາຮັບການປິ່ນປົວຢູ່ສູນນີ້ວ່າ: ປະຈຸບັນສູນແຫ່ງນີ້ມີຜູ້ເຂົ້າມາຮັບຮັກສາທັງໝົດ 86 .ຄົນ ຜ່ານການຮັກສາ ໃນນີ້ສາມາດປິ່ນປົວດີໄດ້ 42 ຄົນ ຊຶ່ງ 42 ຄົນນີ້ແມ່ນຜ່ານການກັກຕົວ14 ວັນ ໄດ້ຮັບການຮັກສາປິ່ນປົວຕາມອາການເຫັນວ່າແມ່ນປອດໄພ ແລະຫາຍດີ.ພ້ອມນີ້ທ່ານໝໍ ນາງ ຈັນຫອມ ພອນສະຫວັນ ກໍ່ໄດ້ກ່າວເໜັ້ນໜັກໃຫ້ຜູ້ທີ່ໄດ້ຮັບການຮັກສາຈຳນວນ 42 ຄົນ ຈົ່ງປະຕິບັດຫລັກການ ແລະ ມາດຕະການປ້ອງກັນເປັນເຈົ້າການຢ່າງເຂັ້ມງວດ.

ໂອກາດດັ່ງກ່າວນີ້ ທ່ານເຈົ້າເມືອງໆໂພນໂຮງ ໄດ້ມີຄຳເຫັນຕໍ່ພິທີສົ່ງຜູ້ທີ່ໄດ້ຮັບການຮັກສາຈາກພະຍາດໂຄວິດ19.ຄື:ບ້ານ ຊຶ່ງ ທ່ານກໍ່ໄດ້ຍົກໃຫ້ເຫັນຜົນຮາຍ ແລະ ຄວາມຫຍຸ້ງຍາກຂອງພະຍາດໂຄວິດ19 ພ້ອມທັງຮຽກຮ້ອງມາຍັງຜູ້ທີ່ຫາຍດີເວລາກັບບ້ານເຮືອນ.

ຈົ່ງພ້ອມກັນເອົາໃຈໃສ່ ມາດຕະການຮັກສາ ແລະ ການປ້ອງກັນ ທີ່ທີມແພດໄດ້ແນະນຳໃຫ້ປະຕິບັດຢ່າງເຂັ້ມງວດ ແລະເປັນເຈົ້າການຮ່ວມມືສະກັດກັ້ນ ,ຕ້ານ ແລະ ປ້ອງກັນພະຍາດໂຄວິດ19ໃຫ້ໝົດໄປ.

Related Posts

Leave a Reply

Your email address will not be published. Required fields are marked *