ພົນເອກ ວິໄລ ຫຼ້າຄໍາຟອງ ຮອງນາຍົກລັດຖະມົນຕີ

ດີໃຈນຳ!! ປີນີ້ນັກໂທດ 1.882 ຄົນໄດ້ຮັບອະໄພຍະໂທດ.

ພົນເອກ ວິໄລ ຫຼ້າຄໍາຟອງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ປະທານຄະນະກໍາມະການອະໄພຍະໂທດລະດັບຊາດ.

ໄດ້ຖະ ແຫລງກ່ຽວກັບການອະໄພຍະໂທດ ປະຈຳປີ 2022 ວ່າ: ໃນປີ 2022 ນີ້ ຜ່ານການກວດກາ, ຄົ້ນຄວ້າຢ່າງລະອຽດ, ຄົບຖ້ວນ, ຮອບດ້ານ ແລະ ພາວະວິໄສຂອງລະບົບຍຸຕິທໍາ ແລະ ລັດຖະບານໄດ້ສະເໜີຕໍ່ປະທານປະເທດ ໄດ້ອອກລັດຖະດໍາລັດ.

ວ່າດ້ວຍການໃຫ້ອະໄພຍະໂທດແກ່ນັກໂທດ ສະບັບເລກທີ 206/ປປທ, ລົງວັນທີ 30 ພະຈິກ 2022 ຕົກລົງອະໄພຍະໂທດໃຫ້ແກ່ນັກໂທດທັງໝົດ 1.882 ຄົນ, ຍິງ 264 ຄົນ; ນັກໂທດທີ່ເປັນຄົນຕ່າງປະເທດ 23 ຄົນ, ຍິງ 6 ຄົນ;

ໃນນີ້, ໃຫ້ອະໄພຍະໂທດດ້ວຍການຫຼຸດຜ່ອນໂທດ 1.564 ຄົນ, ຍິງ 226 ຄົນ; ຄົນຕ່າງປະເທດ 21 ຄົນ, ຍິງ 5 ຄົນ; ໃຫ້ອະໄພຍະໂທດດ້ວຍການປ່ອຍຕົວ 318 ຄົນ, ຍິງ 38 ຄົນ; ຄົນຕ່າງປະເທດ 2 ຄົນ, ຍິງ 1 ຄົນ.

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ວັນທີ 2 ທັນວາ 2022 ຄົບຮອບ 47 ປີ ແລະ ກອງເລຂາຄະນະກໍາມະການອະໄພຍະໂທດລະດັບຊາດ.

ໄດ້ກະກຽມບັນດາເອກະສານຕ່າງໆ ເພື່ອຈັດສົ່ງໃຫ້ຄະນະກໍາມະການອະໄພຍະໂທດຂັ້ນກະຊວງ, ນະຄອນຫຼວງ, ແຂວງ ເພື່ອພ້ອມກັນຈັດຕັ້ງປະຕິ ບັດຕາມຄວາມຮັບຜິດຊອບຂອງຕົນໃຫ້ສໍາເລັດຕາມແຜນ ການທີ່ວາງໄວ້.ໃນນາມປະທານ.

ຄະນະກໍາມະການອະໄພຍະໂທດລະດັບຊາດ ຈິ່ງຂໍແຈ້ງມາຍັງບັນດາທ່ານ, ປະຊາຊົນລາວບັນດາເຜົ່າ ເພື່ອຊາບກ່ຽວກັບການອະໄພຍະໂທດຕໍ່ນັກ ໂທດພາຍໃນ ລວມທັງນັກໂທດທີ່ເປັນຄົນຕ່າງປະເທດ ປະຈຳປີ 2022 ແລະ ຂໍຖືໂອກາດນີ້.

ສະແດງຄວາມຂໍຂອບໃຈມາຍັງບັນດາທ່ານຄະນະນຳສູນກາງພັກ, ລັດຖະ ບານ, ບັນດາທ່ານຄະນະກໍາມະການອະໄພຍະໂທດ,

ອົງ ການປົກຄອງທ້ອງຖິ່ນ ແລະ ທຸກພາກສ່ວນທີ່ກ່ຽວຂ້ອງທີ່ໄດ້ສະໜັບສະໜູນການເຄື່ອນໄຫວວຽກງານຂອງຄະນະກໍາມະການອະໄພຍະໂທດແຕ່ລະຂັ້ນ ໄດ້ປະຕິບັດສໍາເລັດໜ້າທີ່ເປັນຢ່າງດີ.

Cr: ປ້ອງກັນຄວາມສະຫງົບລາວ

Related Posts

Leave a Reply

Your email address will not be published. Required fields are marked *