ຄາດຄະເນສະພາບອາກາດ ມື້ນີ້ ຫາ 18 ກັນຍາ 2022

ຄາດຄະເນສະພາບອາກາດ ໃນໄລຍະວັນທີ 12 ຫາ 18 ກັນຍາ 2022.

່ໃນໄລຍະຫນຶ່ງອາທິດຕໍ່ຫນ້າ ວັນທີ 12 ຫາ 13 ກັນຍາ 2022 ຄວາມກົດດັນອາກາດຕໍ່າຈະປົກຄຸມຢູ່ທຸກພາກຂອງ ປະເທດລາວດ້ວຍກໍລັງອ່ອນ ສົມທົບກັບລົມຕາເວັນອອກພັດປົກຄຸມເປັນສ່ວນໃຫຍ່,

ຊຶ່ງຈະເຮັດໃຫ້ອາກາດເປັນໃນຕອນ ເຊົ້າໂດຍສະເພາະຢູ່ແຂວງພາກເຫມືອດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງບໍລະເວນ ແລະ ຈະມີຝົນຕົກຟ້າ ຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ຢູ່ໃນແຕ່ລະພາກ,

ຈາກນັ້ນວັນທີ 14 ຫາ 18 ກັນຍາ 2022 ຮ່ອງຄວາມກົດ ດັນອາກາດຕ່ໍາຈະພາດຜ່ານ ຢູ່ແຂວງພາກກາງ ແລະ ພາກໃຕ້ຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ ຈະເພີ່ມກໍາລັງແຮງຂື້ນພັດປົກຄຸມເປັນສ່ວນໃຫ່ຍ,

ຊຶ່ງຈະເຮັດໃຫ້ມີຝົນຕົກເພີ້ມຂື້ນຢູ່ໃນແຕ່ລະພາກໃນລະດັບຄ່ອຍ ຫາ ປານກາງ ແລະ ຕົກຫນັກພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.

ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້: ພາກເຫນືອດ້ານຕາເວັນອອກ: ໃນໄລຍະຕົ້ນອາທິດແຕ່ວັນທີ 12 ຫາ 19 ກັນຍາ 2022 ອາກາດເຢັນໃນຕອນເຊົ້າ ແລະ ຈະມີ ຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນ ແຂວງຜົ້ງສາລີ, ຫົວພັນ ແລະ ຊຽງຂວາງ. ອຸນຫະພູມຕ່ໍາສຸດ 17 – 20 ອົງສາ ແລະ ສູງສຸດ 27 – 23 ອົງສາ.

ພາກກາງ: ໃນໄລຍະວັນທີ 12 ຫາ 18 ກັນຍາ 2022 ອາກາດຮ້ອນ ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານ ກາງຢູ່ທົ່ວໄປ ແລະ ຕົກຫນັກ ພ້ອມມີລົມພັດແຮງຢູ່ບາງທ້ອງຖິ່ນ. ອຸນຫະພູມຕໍ່າສຸດ 22 – 24 ອົງສາ ແລະ ສູງສຸດ 32 – 34. ສໍາລັບ ແຂວງ ໄຊສົມບູນ: ໃນໄລຍະວັນທີ 12 ຫາ 18 ກັນຍາ 2022 ອາກາດຈະຫນາວເຢັນໃນຕອນເຊົ້າ ຈະມີຝົນຕົກຟ້າ ຮ້ອງ-ຟ້າເຫຼື້ອມໃນລະດັບຄ່ອຍ ແລະ ຕົກປານກາງ ພ້ອມມີລົມພັດແຮງຢູ່ບາງບໍລິເວນ. ອຸນຫະພູມຕ່ໍາສຸດ 15 – 17 ອົງສາ ແລະ ສູງສຸດ 25 – 28 ອົງສາ.

ພາກໃຕ້: ໃນໄລຍະຫນຶ່ງອາທິດຕໍ່ຫນ້າວັນທີ 12 ຫາ 18 ກັນຍາ 2022 ອາກາດຮ້ອນ ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບ ຄ່ອຍ ຫາ ປານກາງ ແລະ ຕົກຫນັກ ພ້ອມມີລົມພັດແຮງຢູ່ບາງທ້ອງຖິ່ນ. ອຸນຫະພູມຕໍ່າສຸດ 23 – 26 ອົງສາ ແລະ ສູງສຸດ 32 – 34 ອົງສາ, ສໍາລັບເຂດພູພຽງບໍລະເວນ: ອາກາດເຢັນ ຫາ ຫນາວເຢັນ ໃນຕອນກາງຄືນ ຫາ ຕອນເຊົ້າ ແລະ ຈະມີ ຝົນຕົກຟ້າຮ້ອງ-ຟ້າຫຼື້ອມໃນລະດັບຄ່ອຍ ຫາ ປານກາງ ແລະ ຕົກຫນັກ ພ້ອມມີລົມພັດແຮງຢູ່ບາງບໍລິເວນ. ອຸນຫະພູມຕ່ໍາສຸດ 14 – 18 ອົງສາ ແລະ ສູງສຸດ 21 – 27 ອົງສາ.

….

..

Related Posts

Leave a Reply

Your email address will not be published.