ເກີດນ້ຳຖ້ວມຄັ້ງໃຫຍ່ໃນປາກີສະຖານ ເຮັດໃຫ້ມີຜູ້ເສຍຊີວິດ900ກວ່າຄົນ

ເກີດນ້ຳຖ້ວມຄັ້ງໃຫຍ່ໃນປາກີສະຖານ ເຮັດໃຫ້ມີຜູ້ເສຍຊີວິດ900ກວ່າຄົນ

.ຕາມ​ຂ່າວ​ຈາກ ຣອຍ​ເຕີ (REUTER), ວັນ​ທີ27​ ສິງຫາ​ນີ້, ກະຊວງ ​ການ​ປ່ຽນ​ແປງ​ ດ້ານ​ສະພາບ ​ດິນ​ຟ້າ​ ອາກາດ​ ຂອງ​ປາ​ກິ​ດສະຖານ ລາຍ​ງານ​ວ່າ: ​ເກີດໄພ​ນ້ຳ​ຖ້ວມ ​ຄັ້ງ​ໃຫຍ່​ ໃນ​ປາ​ກິ​ດສ​ະຖານ.

​ເມື່ອ​ເດືອນ ​ກໍລະກົດ​ ທີ່​ຜ່ານ​ມາ ສົ່ງ​ຜົນ​​ໃຫ້ມີ ​ຜູ້​ເສຍ​ຊີວິດ ຫລາຍ​ກວ່າ 900ຄົນ ​ແລະ ປະຊາກອນ 33 ລ້ານ​ຄົນ​ ໄດ້​ຮັບ​ ຄວາມ ເດືອດຮ້ອນ ຫລື​ ກວມ​ເອົາ 15% ຂອງ​ປະຊາກອນ ທົ່ວ​ປະ​ເທດ.​

ແຕ່​ຢ່າງ​ໃດ​ ກໍ່ຕາມ ການ​ມອບ​ ຄວາມຊ່ວຍເຫລືອ ດ້ານ ການເງິນ ເພື່ອການຟື້ນຟູ ພື້ນຖານ​ໂຄງ​ລ່າງ ໃນປາກິດສະຖານ ທີ່ໄດ້ຮັບ ຄວາມເສຍຫາຍ ຢ່າງໜັກ ຈາກໄພພິບັດ ທາງທຳມະຊາດ ຄັ້ງນີ້ ຍັງຄົງ ເປັນບັນຫາ ທີ່ຫຍຸ້ງຍາກ.

ເນື່ອງຈາກ ລັດຖະບານ ປາກິດສະຖານ ຈຳເປັນ ຕ້ອງໃຊ້ ມາດຕະການ ປະຢັດ ຮອບໃໝ່ ເພື່ອເປັນ ໄປຕາມ ເງື່ອນໄຂ ຂອງກອງທຶນ ການເງິນ ສາກົນ(IMF) ໃນການອະນຸມັດ ເງິນຊ່ວຍ ເຫລືອ ເພີ່ມຕື່ມ ອີກ.

/. (ພາກ​ຂ່າວ​: ຕ່າງປະ​ເທດ)

ຮຽບຮຽງ​ຂ່າວ​ໂດ​ຍ: ສະ​ໄຫວ ລາດ​ປາກ​ດີ

Related Posts

Leave a Reply

Your email address will not be published.