ສຸດເສົ້າ! ຟ້າຜ່າງົວຕາຍ 14 ໂຕ ເສຍຫາຍມູນຄ່າ 70 ລ້ານກວ່າກີບ.
ເກີດເຫດການຟ້າຜ່າງົວຢູ່ທີ່ບ້ານໃຫຍ່ດອນເກືອ ໃນວັນທີ 16 ກັນຍາ 2021 ໄດ້ມີຝົນຕົກໜັກ ແລະ ໄດ້ເກີດເຫດການຟ້າຜ່າງົວ ໃນເວລາ 22:30 ນາທີ.
ຢູ່ທີ່ສວນຫຍ້າລ້ຽງສັດຂອງ ທ່ານ ອູ້ມ ພົມສິດ ຢູ່ໃນເຂດນາຫ້ວຍບົງ ບ້ານໃຫຍ່ດອນເກືອ ເມືອງບໍ່ແຕນ ແຂວງໄຊຍະບູລີ.
ຕາມການລາຍງານເບື້ອງຕົ້ນຂອງເຈົ້າຂອງງົວວ່າ ງົວຖືກຟ້າຜ່າ ໃນຄັ້ງນີ້ເປັນຈຳນວນງົວທັງໝົດ 14 ໂຕ, ງົວຜູ້ 7 ໂຕ ເຊິ່ງລວມມູນຄ່າເສຍຫາຍທັງໝົດ 72.000.000 ກີບ.
ຂ່າວ: ຫ້ອງການ ຖວທ ເມືອງບໍ່ແຕນ
