ລ໋ອກດາວພໍກະເທີນ ອາດຈະປະເຊີນກັບມະຫັນຕະໄພທີ່ແກ້ຍາກ

ຜ່ານການຈັດຕັ້ງປະຕິບັດມາດຕະການການຄວບຄຸມ ແລະ ປ້ອງກັນພະຍາດໂຄວິດ ຜ່ານມານີ້ຫຼາຍຄົນຍັງເຫັນວ່າພວກເຮົາອາດລະຫຼວມເກີນໄປ ແລະ ການເກີດກໍລະນີຊຸມຊົນມາສອງສາມມື້ຫຼັງນີ້ເຮັດໃຫ້ພວກເຮົາຕ້ອງສະດຸ້ງໄວວ່າການລັອກດາວພໍກະເທີນນັ້ນຈະເຮັດໃຫ້ພວກເຮົາປະເຊີນກັບອັນຕະລາຍຫຼາຍກວ່ານີ້.

ພວກເຮົາກ້າວສູ່ເດືອນທີ 4 ຂອງການລັອກດາວເນື່ອງຈາກການການລະບາດຂອງພະຍາດໂຄວິດ ຄັ້ງທີ່ສອງເຊິ່ງເລີ່ມແຕ່ວັນທີ 22 ເມສາ 2021 ເຊິ່ງເລີ່ມຈາກການລະບາດໃນຊຸມຊົນຢ່າງກວ້າງຂວາງແລ້ວກ້າວມາສູ່ຈຳນວນກໍລະນີທີ່ນຳເຂົ້າເປັນຫຼວງຫຼາຍໃນແຕ່ລະມື້ເຊິ່ງເຮັດໃຫ້ເພີ່ມຄວາມທ້າທາຍຂຶ້ນຕໍ່ຄວາມອາດສາມາດຂອງພວກເຮົາໃນການກັກກັນ, ການປິ່ນປົວ.

ຜ່ານມາຫຼາຍຄົນຍັງຄິດວ່າການລັອກດາວນັ້ນພວກເຮົາເຮັດແບບໂຍະຍານເກີນໄປ, ມີລົດເຕັມທ້ອງຖະໜົນ, ຫ້າງຮ້ານມີຄົນແອອັດ, ການສັກຢາວັກຊິນແມ່ນບໍ່ສາມາດຄວບຄຸມໃຫ້ຜູ້ຄົນປ້ອງກັນຕາມມາດຕະການທີ່ວາງອອກ, ມີຄວາມແອອັດແລະຮ້ານກິນ-ດື່ມທີ່ຖືກອະນຸຍາດໃຫ້ເປີດຈຶ່ງເປັນຊ່ອງວ່າງໃນການດື່ມສິ່ງມຶນເມົາ, ການຊຸມນຸມກັນທີ່ອາດເຮັດໃຫ້ເກີດມີຄວາມສ່ຽງຫຼາຍຂຶ້ນ.

ແນ່ນອນນັບແຕ່ການລະບາດຂອງພະຍາດໂຄວິດ19 ຮອບສອງນີ້ພະນັກງານແພດໝໍພວກເຮົາແມ່ນບໍ່ໄດ້ພັກເລີຍ ໂດຍສຸມກຳລັງທັງໝົດທີ່ມີຢູ່ເພື່ອຊ່ວຍປິ່ນປົວແລະກອບກູ້ຊີວິດຂອງປະຊາຊົນຈາກພະຍາດຮ້ານນີ້. ພ້ອມນັ້ນບັນດາທະຫານຕຳຫຼວດກໍບໍ່ໄດ້ພັກເພື່ອຄວບຄຸມ ແລະ ປ້ອມກັນພະຍາດນີ້ໂດຍສະເພາະໃນຂອບເຂດບໍລິເວນຊາຍດແດນທີ່ອາດຈະມີການລັກລອບເຂົ້າປະເທດທີ່ຜິດກົດໝາຍໄດ້ ແລະ ລັດຖະບານເຮົາກໍໄດ້ໃຊ້ງົບປະມານຢ່າງຫຼວງຫຼາຍໃນການຄວບຄຸມ ແລະ ປ້ອງກັນພະຍາດໂຄວິດ19ນີ້, ເວົ້າສະເພາະແຕ່ນຳໃຊ້ເຂົ້າໃນການຮັບເອົາແຮງງານລາວກັບມາບ້ານນັ້ນກໍເກືອບ 16 ຕື້ກີບແລ້ວ.

ແຕ່ທັງໝົດນັ້ນກໍຍັງບໍ່ພຽງພໍທີ່ຈະຢຸດຢັ້ງການແຜ່ລະບາດຂອງພະຍາດນີ້ໄດ້ຈຶ່ງເຮັດໃຫ້ການລະບາດໃນຊຸມຊົນກັບມາອີກຄັ້ງ ແລະ ຫຼາຍຄົນກໍວາດວັ່ນວ່າເທື່ອນີ້ອາດຈະຮ້າຍແຮງກວ່າທີ່ຜ່ານມາຖ້າພວກເຮົາບໍ່ເດັດຂາດແຕ່ຫົວທີ, ມີຄວາມລະເຫຼີງໃນການປ້ອງກັນຕົນເອງບໍ່ວ່າເຈົ້າໜ້າທີ່ກໍຄືປະຊາຊົນ.

ບົດຮຽນຂອງບັນດາປະເທດໃກ້ຄຽງພວກເຮົາທີ່ກຳລັງລະບາດຢ່າງໜັກນັ້ນໄດ້ເຮັດໃຫ້ພວກເຮົາຕ້ອງເພີ່ມຄວາມລະມັດລະວັງແລະມີຄວາມຕື່ນຕົວ ແລະ ສະດຸ້ງໄວແຕ່ຫົວທີໃນການຄຸມເຂັ້ມ ແລະ ເດັດຂາດ.

ເພື່ອຈະເຮັດໄດ້ແນວນັ້ນຫຼາຍຄົນກໍຮູ້ສຶກວ່າການລັອກດາວນັ້ນຄວນເຂັ້ມງວດທີ່ສຸດ, ຄຽງຄູ່ກັບການປະກາດໂຈະການຮຽນ-ການສອນໃນທຸກຂັ້ນນັ້ນການເຮັດວຽກຂອງບັນດາພາກລັດ, ເອກະຊົນກໍຄືອົງການຈັດຕັ້ງຕ່າງໆຄວນຫັນເປັນແບບອອນລາຍສາກ່ອນບໍ່ຟ້າວອະນຸຍາດໃຫ້ມາຫ້ອງການໃນໄລຍະທີ່ມີການລະບາດໃນຊຸມຊົນຄຽງຄູ່ກັບການຫັນວິທີການເຮັດວຽກໃນຍຸກປົກກະຕິໃໝ່ໃຫ້ໄດ້ປະສິດທິຜົນ.

ບັນດາຂົງເຂດການບໍລິການຕ່າງໆເຊັ່ນ ຮ້ານນວດ, ຮ້ານອາຫານກໍຄວນພິຈາລະນາຄືນວ່າສົມຄວນຍັງໃຫ້ດຳເນີນການບໍລິການບໍ່ໃນເວລາການລະບາດໃນຊຸມຊົນທີ່ມີສາຍພັນໃໝ່ທີ່ແພ່ໄວກວ່າເກົ່າຄືແນວນີ້. ພ້ອມນັ້ນບັນດາຕະຫຼາດແລະຮ້າງສັບພະສິນຄ້າກໍແມ່ນບ່ອນທີ່ມີການຊຸມນຸມແອອັດນຳມາເຊິ່ງຄວາມສ່ຽງສູງ ແລະ ແພ່ລະບາດຈາກຄົນໜຶ່ງສູງຄົນໜຶ່ງໄວທີ່ສຸດເພາະສະນັ້ນຈົ່ງຄວນພິລະນາມາດຕະການໃນການໃຫ້ບໍລິການຕື່ມ.

ສິ່ງສຳຄັນແມ່ນກະໂຕຄວາມຮັບຜິດຊອບຂອງສ່ວນບຸນຄົນໃນສັງຄົມ, ບໍ່ວ່າເວລາໃດເຈົ້າໜ້າທີ່ເພິ່ນກໍໄດ້ແຈ້ງໃຫ້ພວກເຮົາປະຕິບັດຕົວໃຫ້ມີຄວາມປອດໄພສະເໝີແຕ່ສ່ວນຫຼາຍຍັງລະເຫຼີງບໍ່ປ້ອງກັນຕົນເອງບໍ່ໃສ່ຜ້າອັດປາກເວລາພົບປະກັບຜູ້ຄົນທີ່ມີສ່ຽງ, ມີການຊຸມແຊວ, ໄປມາຫາສູ່ກັນປົກກະຕິອັນນີ້ຖືວ່າອັນຕະລາຍຕໍ່ຄວາມປອດໄພຂອງບ້ານເມືອງທີ່ສຸດ.

ອີງຕາມຂໍ້ມູນຂອງສູນຂ່າວ-ສານການແພດສຸຂະສຶກສານັ້ນມາຮອດວັນທີ 16 ສິງຫາ 2021 ນີ້ ສປປ ລາວມີຜູ້ຕິດເຊື້ອລວມແລ້ວ 10.141ຄົນ ແລະ ເສຍຊີວິດແລ້ວ 9 ກໍລະນີ ແລະ ຍັງມີທ່າອ່ຽງການຕິດເຊື້ອເພີ່ມຂຶ້ນເລື້ອຍໆມີທັງນຳເຂົ້າ ແລະ ຊຸມຊົນແລະເພິ່ນກໍໄດ້ແຈ້ງເຕືອນວ່າການລະບາດໃນຊຸມຊົນມີທ່າອ່ຽງເປັນວົງກວ້າງ.

ເພາະສະນັ້ນ, ໃນເວລາທີ່ພວກເຮົາເປັນຫ່ວງເລື່ອງເສດຖະກິດແຕ່ກໍຕ້ອງຄິດໄພພິບັດອາດເກີດຂຶ້ນໂດຍທີ່ພວກເຮົາບໍ່ສາມາດຮັບມືໄດ້ຄືກັບຫຼາຍປະເທດນັ້ນຈົ່ງຮີບຮ້ອນໃນການນຳໃຊ້ມາດຕະການທີ່ເຄັ່ງຄັດ, ເດັດຂາດກວ່າເກົ່າ ແລະ ປະຊາຊົນລາວເຮົາທົ່ວປະເທດກໍຈົ່ງພ້ອມໃຈກັນປະຕິບັດຕາມມາດຕະການເພິ່ນວາງອອກຢ່າງເຂັ້ມງວດ, ຖ້າຍັງແມ່ນຄົນລາວທີ່ມີຄວາມຮັກຊາດກໍເຊົາສາບັນດາພຶດຕິກຳທີ່ເປັນຄວາມສ່ຽງຕໍ່ຕົນເອງແລະຜູ້ອື່ນ

ຈາກ: ຫນັງສື່ລາວພັດທະນາ

Related Posts

Leave a Reply

Your email address will not be published.