ອຸຕຸເຕືອນເຝົ້າລະວັງຝົນຕົກໜັກ, ຟ້າຮ້ອງຟ້າເຫຼື້ອມ​ໄລຍະວັນທີ 12-15 ພຶດສະພານີ້ ຢູ່ບາງທ້ອງຖິ່ນໃນແຕ່ລະພາກ

ອຸຕຸເຕືອນເຝົ້າລະວັງຝົນຕົກໜັກ, ຟ້າຮ້ອງຟ້າເຫຼື້ອມ​ໄລຍະວັນທີ 12-15 ພຶດສະພານີ້ ຢູ່ບາງທ້ອງຖິ່ນໃນແຕ່ລະພາກ

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດໃນໄລຍະວັນທີ 9 ຫາ 15 ພຶດສະພາ 2022 ໂດຍມີຄຳເຕືອນໃຫ້ເຝົ້າລະວັງສະພາບຝົນຕົກຟ້າຮ້ອງ -ຟ້າເຫຼື້ອມ

ໃນໄລຍະວັນທີ 12 ຫາ 15 ພຶດສະພາ 2022 ເນື່ອງຈາກລົມມໍລະສຸມຕາເວັນຕົກສ່ຽງໃຕ້ ຈາກອ່າວເບັງການ ຈະມີກຳລັງປານກາງ ຫາ ແຮງ ພັດປົກຄຸມປະເທດລາວເປັນສ່ວນໃຫ່ຍ ເຊິ່ງຈະເຮັດໃຫ້ມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍເປັນບໍລິເວນກ້ວາງ ແລະ ຕົກປານກາງ ຫາ ໜັກ ຢູ່ບາງທ້ອງຖິ່ນໃນແຕ່ລະພາກ.

ແຈ້ງເຕືອນເຖິງປະຊາຊົນບັນດາເຜົ່າ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ, ຈົ່ງມີສະຕິລະມັດລະວັງຕໍ່ສະພາບມີຝົນຕົກໜັກ, ຟ້າຮ້ອງ-ຟ້າເຫຼື້ອມ ແລະ ຟ້າຜ່າ,

ພ້ອມມີລົມພັດແຮງ ທີ່ຈະເຮັດໃຫ້ມີຕົ້ນໄມ້,ເສົາໄຟຟ້າ, ປ້າຍໂຄສະນາຫັກລົ້ມ ແລະ ຫຼັງຄາເຮືອນເປ່ເພ ແລະ ຂໍໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈຳ.

Related Posts

Leave a Reply

Your email address will not be published.