ບໍລິສັດໝີ່ສຳເລັດຮູບລາຍໃຫຍ່ຂອງໄທ​ ແຈ້ງ​ປັບລາຄາ​ຂຶ້ນ​ ຫຼັງຕົ້ນທຶນ​ການຜະລິດ​ສູງ

ບໍລິສັດໝີ່ສຳເລັດຮູບລາຍໃຫຍ່ຂອງໄທ​ ແຈ້ງ​ປັບລາຄາ​ຂຶ້ນ​ ຫຼັງຕົ້ນທຶນ​ການຜະລິດ​ສູງ

ແຫລ່ງຂ່າວຈາກ ປະຊາຊາດ ຂອງໄທ 🇹🇭 ລາຍງານວ່າ: “ມາມ່າ” ແຈ້ງປັບຂຶ້ນລາຄາຂາຍສົ່ງ ຍ້ອນສາເຫດຕົ້ນທຶນ “ຄ່າຂົນສົ່ງ-ແປ້ງ-ນ້ຳມັນພືດ” ເພີ່ມຂຶ້ນບໍ່ຢຸດ ຄາດວ່າຕົ້ນເດືອນພຶດສະພາ ລາຄາຂາຍຍ່ອຍປັບຕາມ ຖົງລະ 0.50 – 1 ບາດ​ ຫຼື​ ປະມານ​ 400​ ກີບ

ບໍລິສັດ ຊັບພລາຍເອີ ໝີ່ສຳເລັດຮູບລາຍໃຫຍ່ ບໍລິສັດ ໄທເພຣຊິເດັ້ນຟູ້ດ ຈຳກັດ (ມະຫາຊົນ) ຜູ້ຜະລິດໝີ່ເຄິ່ງສຳເລັດຮູບກາ ມາມ່າ ໄດ້ທະຍອຍແຈ້ງການປັບຂຶ້ນລາຄາສິນຄ້າໄປຍັງຄູ່ຄ້າຕ່າງໆ ຫຼັງຈາກທີ່ພະຍາຍາມດຶງລາຄາມາຕັ້ງແຕ່ທ້າຍປີທີ່ຜ່ານມາ

ໂດຍສິນຄ້າທີ່ມາມ່າແຈ້ງປັບລາຄາ ຫຼັກໆຈະເປັນກຸ່ມເສັ້ນສີເຫຼືອງ ເຊັ່ນ: ຣົດຕົ້ມຢຳກຸ້ງ,​ ຣົດໝູສັບ ເປັນຕົ້ນ ໂດຍມີການປັບລາຄາຂາຍສົ່ງເພີ່ມຂຶ້ນອີກ 2-3 ບາດ/ກ່ອງ​ (30 ຖົງ) ຫລື 10-14 ບາດ/ແກັດ (6 ກ່ອງ ຫລື 180 ຖົງ) ສ່ວນເສັ້ນຂາວ ເຊັ່ນ: ເສັ້ນໝີ່ນ້ຳໃສ ແລະ ມາມ່າ ຄັບ ຍັງບໍ່ມີການປັບລາຄາ

ການປັບຂຶ້ນລາຄາຂາຍສົ່ງດັ່ງກ່າວຈະເຮັດໃຫ້ ລາຄາຂາຍມາມ່າປັບເປັນແກັດລະ 145 ບາດ ຈາກລາຄາເກົ່າ 143 ບາດ ແລະ​ ແກັດລະ 870 ບາດ ຈາກແຕ່ເກົ່າ 858 ບາດ ແລະ​ ໃນຕະຫລາດຈະເລີ່ມທະຍ່ອຍໃຊ້ລາຄາໃໝ່ນີ້ຕັ້ງແຕ່ຕົ້ນເດືອນພຶດສະພາ ທີ່ຈະເຖິງນີ້ເປັນຕົ້ນໄປ.

ທີ່ມາຂ່າວ: Prachachat.​net

Related Posts

Leave a Reply

Your email address will not be published.