ຣັສເຊຍບອກວ່າໄຄຣເມຍ ຈົບໄປນານແລ້ວ ບໍ່ຕ້ອງດຶງມາເປັນປະເດັນໃໝ່..

ການເຈລະຈາເສິກຢູເຄຣນ ກ້າວເຂົ້າເປັນມື້ທີ 2 ຫຼັງວານນີ້ ເວົ້າຈາກັນຢືດຍາວ ແຕ່ບໍ່ຄ່ອຍເປັນທີ່ພໍໃຈຣັສເຊຍ

ຝ່າຍຢູເຄຣນ ສະເໜີວ່າ ຢູເຄຣນຈະບໍ່ເຂົ້າຮ່ວມເປັນສະມາຊິກກັບກຸ່ມພັນທະມິດໃດໆ ແລະຈະບໍ່ໃຫ້ຕ່າງຊາດມາຕັ້ງຖານທັບໃນດິນແດນຢູເຄຣນ ແຕ່ຕ້ອງມີຜູ້ຄ້ຳປະກັນຄວາມໝັ້ນຄົງຂອງຢູເຄຣນ ໄດ້ແກ່ ອິສຣາເອລ ແຄນາດາ ໂປແລນດ໌ ຕຸຣກີ ແລະອາດມີສະຫະລັດ ອັງກິດ ເຢຣມັນ ອີຕາລີ ແລະຣັສເຊຍ ຮ່ວມຢູ່ນຳ..

ຣັສເຊຍບອກວ່າ ໃຫ້ພຽງຣັສເຊຍຜູ້ດຽວຮັບປະກັນພໍແລ້ວ ເພາະຢູເຄຣນຂັດແຍ້ງກັບຣັສເຊຍ ພຽງຜູ້ດຽວ..

ສ່ວນບັນຫາໄຄຣເມຍ ຢູເຄຣນຕ້ອງການເຮັດປະຊາມະຕິ ຖາມຄົນຢູເຄຣນທັງປະເທດ ວ່າສົມຄວນຍົກໃຫ້ຣັສເຊຍຫຼືບໍ່..

ຣັສເຊຍບອກວ່າໄຄຣເມຍ ຈົບໄປນານແລ້ວ ບໍ່ຕ້ອງດຶງມາເປັນປະເດັນໃໝ່..

ສ່ວນບັນຫາລູຮັນສຄ໌ ແລະໂດເນດສຄ໌ ຢູເຄຣນ ສະເໜີໃຫ້ເຈລະຈາກັນໃນລະດັບຜູ້ນຳ.. ຣັສເຊຍບອກວ່າ ທັງ 2 ແຍກຕົວເປັນເອກະລາດແລ້ວ ຫາກຕ້ອງການເຈລະຈາ ກໍຄວນຈະເປັນຊ່ວງໄລຍະ 8 ປີ ທີ່ຕໍ່ສູ້ກັນມາ ບໍ່ແມ່ນຕອນນີ້..

ສະຫຼຸບຍັງຕົກລົງກັນບໍ່ໄດ້ ມື້ນີ້ເຈລະຈາຕໍ່..

ດ້ານຄວາມເຄື່ອນໄຫວໃນແນວຮົບ ຣັສເຊຍ ປະກາດຖອຍກຳລັງບາງສ່ວນອອກຈາກແນວຮົບກຸງຄຽບ ແລະເມືອງອື່ນໆ ເພື່ອຜ່ອນຄາຍສະຖານະການ ແຕ່ບລິງເຄນ ລມຕ ການຕ່າງປະເທດສະຫະລັດ ບອກວ່າຢ່າໄດ້ຫຼົງກົນຣັສເຊຍ ພວກເຂົາຖອຍກໍຈິງ ແຕ່ກຳລັງທາງອາກາດຍັງໂຈມຕີໜັກເໝືອນເດີມ ສິ່ງທີ່ຈະເປັນກໍຄືພວກເຂົາຈະສຸມໃສ່ແນວຮົບມາຣີອູປອລ ໃຫ້ສຳເລັດ ແລ້ວຫັນໄປເປີດສະໜາມຮົບໃໝ່ອີກທີ່ຈຳເປັນກວ່າ.. ສະນັ້ນ ຢ່າໃຫ້ສິ່ງທີ່ຣັສເຊຍອ້າງ ມາລວງເຮົາໄດ້.. ບິລງເຄນ ກ່າວ..

(ຮູ້ແລ້ວກໍດີ ຊັ້ນນະ)

(ຂອບໃຈ Chanthaseng Bounmanikan ທີ່ຕື່ມເນັດໃຫ້ເດີ..

ສຸຂີປີໃໝ່👍👍👍)

Related Posts

Leave a Reply

Your email address will not be published.