ຣັດເຊຍ ຢຸດຕິການ ສົ່ງອອກເຄື່ອງຈັກຕິດຈະຫຼວດໃຫ້ສະຫະລັດ

ຣັດເຊຍ ຢຸດຕິການ ສົ່ງອອກເຄື່ອງຈັກຕິດຈະຫຼວດໃຫ້ສະຫະລັດ

ສຳນັກຂ່າວຕ່າງປະເທດລາຍງານວ່າ ທ່ານ ດະມີທຣີ ໂດໂກຊິນ ຜູ້ອຳນວຍການອົງການອາວະກາດຣັດເຊຍ (ROSCOSMOS) ຖະແຫຼງເມື່ອວັນທີ 3 ກຸມພາຜ່ານມາວ່າ:

ຣັດເຊຍໄດ້ຢຸດຕິການສົ່ງອອກເຄື່ອງຈັກຕິດຈະຫຼວດໃຫ້ແກ່ສະຫະລັດອາເມຣິກາ ເນື່ອງຈາກມາດຕະການຂວ້ຳບາດຮອບຫຼ້າສຸດຂອງລັດຖະບານສະຫະລັດ ສົ່ງຜົນຕໍ່ການຮ່ວມມື ແລະ ພັດທະນາດ້ານເຕັກໂນໂລຊີອາວະກາດ.

ທັງນີ້ ຕະຫຼອດກວ່າ 3 ທົດສະຫວັດຜ່ານມາ ROSCOSMOS ໄດ້ສົ່ງອອກເຄື່ອງຈັກຕິດຈະຫຼວດລຸ້ນ RD-180 ຢ່າງໜ້ອຍ 180 ເຄື່ອງ, ໃນນັ້ນ 98 ເຄື່ອງນຳໃຊ້ເຂົ້າໃນຈະຫຼວດແອຕຣາສຂອງບໍລິສັດ ຢູໄນເຕັດ ລອນຊ໌ ອັລໄລແອນຊ໌ ເປັນໜຶ່ງໃນຄູ່ສັນຍາຫຼັກຂອງອົງການບໍລິຫານການບິນ ແລະ ອາວະກາດ ແຫ່ງຊາດ (NASA).

ກ່ອນໜ້ານີ້ ນາຊາ ຢືນຢັນວ່າ ນາຊາ ຍັງມີການຮ່ວມມືກັບພັນທະມິດ ທຸກແຫ່ງ ລວມທັງ ROSCOSMOS ເພື່ອ ຄວາມມີສະຖຽນລະພາບ ແລະ ຄວາມປອດໄພຂອງສະຖານີອາວະກາດນານາຊາດ (ISS).

ທັງນີ້ ນາຊາ ຍັງຢືນຢັນເຖິງແຜນການໃນການຮ່ວມມືກັບ ROSCOSMOS ທີ່ມີກຳນົດການເດີນທາງສູ່ ISS ໃນວັນທີ 18 ມີນາຈະເຖິງນີ້, ຕາມດ້ວຍນັກບິນອາວະກາດຜູ້ມີປະສົບການສູງຂອງ ນາຊາ ຈະໂດຍສານໃນຍານແຄັບຊູນໂຊຢຸຊ ພ້ອມນັກບິນອາວະກາດຂອງຣັດເຊຍ ຈະເດີນທາງຈາກສະຖານີອາວະກາດນານາຊາດ ກັບສູ່ພື້ນໂລກໃນວັນທີ 30 ມີນາຈະເຖິງນີ້.

Related Posts

Leave a Reply

Your email address will not be published. Required fields are marked *