ລາວງົດອອກສຽງ ໃນກອງປະຊຸມສະມັດຊາໃຫຍ່ອົງການສະຫະປະຊາຊາດ ສະມາຊິກເຂົ້າຮ່ວມຫຼາຍກວ່າ 180ປະເທດ

ສະມັດຊາໃຫຍ່ອົງການສະຫະປະຊາຊາດ ຫຼື UN ທີມີຕົວແທນປະເທດສະມາຊິກເຂົ້າຮ່ວມຫຼາຍກວ່າ 180 ປະເທດ ມີມະຕິສຽງເຫັນດີເປັນສ່ວນໃຫຍ່ໃຫ້ຣັດເຊຍຢຸດຮຸກຮານ ແລະ ຖອນກຳລັງທະຫານອອກຈາກຢູເຄຣນທັນທີ ດ້ວຍຄະແນນ 141 ຕໍ່ 5 ສຽງ ແລະ ມີປະເທດທີ່ງົດອອກສຽງ 35 ສຽງ ໃນນັ້ນລວມມີ ສປປ ລາວ ນຳ.

ເຖິງມະຕິດັ່ງກ່າວຈະບໍ່ມີຜົນທາງກົດໝາຍ ແຕ່ກໍໃຊ້ເປັນເຄື່ອງມືສະແດງອອກຂອງປະເທດສະມາຊິກອົງການສະຫະປະຊາຊາດຕໍ່ການຮຸກຮານຢູເຄຣນຂອງຣັດເຊຍໄດ້ຢ່າງໜຶ່ງ.

ການປະຊຸມດ່ວນຂອງສະມັດຊາໃຫຍ່ອົງການສະຫະປະຊາຊາດເກີດຂຶ້ນພຽງ 11 ຄັ້ງເທົ່ານັ້ນນັບຕັ້ງສ້າງຕັ້ງອົງການດັ່ງກ່າວນີ້ຂຶ້ນມາ.

ສຳລັບ ສປປ ລາວ, ກ່ອນໜ້ານີ້ເມື່ອວັນທີ 26 ກຸມພາ 2022, ໂຄສົກກະຊວງການຕ່າງປະເທດໄດ້ອອກຖະແຫຼງການຜ່ານເວັບໄຊທາງການວ່າ “ສປປ ລາວໄດ້ຕິດຕາມຢ່າງໃກ້ຊິດສະພາບການທີ່ຜັນແປ, ສະຫຼັບສັບຊ້ອນ ແລະ ມີຄວາມລະອຽດອ່ອນຢູ່ຢູເຄຣນ.

ສປປ ລາວ ຮຽກຮ້ອງໃຫ້ທຸກຝ່າຍທີ່ກ່ຽວຂ້ອງເພີ່ມທະວີຄວາມອົດກັ້ນ ແລະ ຄວາມພະຍາຍາມເພື່ອຫຼຸດຜ່ອນຄວາມເຄັ່ງຕຶງ ທີ່ອາດສົ່ງຜົນກະທົບຕໍ່ກັບສັນຕິພາບ ແລະ ຄວາມໝັ້ນຄົງສາກົນ. ສປປ ລາວ ສະໜັບສະໜຸນຄວາມພະຍາຍາມໃນການແກ້ໄຂບັນຫາດ້ວຍສັນຕິວິທີ ຜ່ານການເຈລະຈາທາງການທູດ

Related Posts

Leave a Reply

Your email address will not be published.