ເຫດຜົນທີ່ ຣັດເຊຍ ປະຕິບັດການທາງທະຫານ ຕໍ່ ອູກຣາອີນ

ເຫດຜົນທີ່ ຣັດເຊຍ ປະຕິບັດການທາງທະຫານ ຕໍ່ ອູກຣາອີນ

ໜຶ່ງໃນສາຍເຫດຕົ້ນຕໍທີ່ຣັດເຊຍເຂົ້າໄປໃນອູກຣາອີນ ແມ່ນຍ້ອນບໍ່ຕ້ອງການໃຫ້ອູກຣາອີນເຂົ້າຮ່ວມເປັນສະມາຊິກນາໂຕແນ່ນອນເລື່ອງນີ້ໃຜກໍ່ຮູ້ເພາະຣັດເຊຍຖືວ່າເປັນໄພຕໍ່ຕົນ ຫວນຄືນເມື່ອປີ 1989 ສ.ອາເມລິກາ

ໄດ້ເຄີຍຕົກລົງກັບ ສ ໂຊວຽດ ໂດຍບໍ່ໃຫ້ ສ ໂຊວຽດຂັດຂວາງການໂຮມປະເທດເຍັຍລະມັນ ແລະ ຕົນກໍ່ຈະບໍ່ຂະຫຍາຍສະມາຊິກນາໂຕອອກໄປຫາບັນດາປະເທດຢູໂຣບຕະເວັນອອກ (ເບິ່ງຄືວ່າເລື່ອງນີ້ຖືເປັນຄວາມລັບ).

ແຕ່ພໍ ສ ໂຊວຽດ ລົ້ມສະຫຼາຍ ສ ອາເມລິກາ ກໍ່ບໍປະຕິບັດຕາມຄໍາໝັ້ນສັນຍາທີ່ໃຫ້ໄວ້ແຖມຍັງຮັບເອົາຫຼາຍປະເທດໃນຢູໂຣບຕະເວັນອອກເຂົ້າເປັນສະມາຊິກນາໂຕຍິ່ງໄປກ່ວານັ້ນບັນດາປະເທດທີ່ເຄີຍເປັນລັດໜຶ່ງໃນອາດີດ ສ ໂຊວຽດ

ກໍ່ຮັບເອົາເຂົ້າເປັນສະມາຊິກນາໂຕຍັງດີແຕ່ວ່າບັນດາປະເທດເຫຼົ່ານັ້ນມີຊາຍແດນອ່າວໄກກັບນະຄອນຫຼວງໂມສກູ ແຕ່ຖ້າແມ່ນອູກຣາອີນແລ້ວແມ່ນຢູ່ໃກ້ທີ່ສຸດ ແນ່ນອນວ່າຣັດເຊຍຍອມບໍ່ໄດ້ເດັດຂາດ.

ມາເບິ່ງຄືນກ່ຽວກັບປະເທດອູກຣາອີນຕັ້ງແຕ່ໄດ້ເປັນປະເທດ ຈາກທີ່ເຄີຍເປັນປະເທດຮັ່ງມີ ເປັນອູ່ເຂົ້າອູ່ນໍ້າ ເປັນແຫຼ່ງພະລັງງານຫຼາຍ ແລະ ຮັ່ງມີຈັດເປັນອັນດັບ 3 ຂອງຢູໂຣບແຕ່ດຽວນີ້ກາຍມາເປັນເກືອບວ່າເປັນປະເທດທຸກຍາກທີ່ສຸດຢູ່ໃນຢູໂຣບ,

ມີແຕ່ພວກນາຍທຶນຕ່າງປະເທດຮ່ວມຫົວກັບຜູ້ກໍາອໍານາດກອບໂກຍຊໍ້າບໍ່ໜໍາກໍ່ມີບັນຫາຂັດແຍ່ງກັບຊົນເຜົ່າຕ່າງໆຂ້າລ້າງເຜົ່າພັນເຂົາເຈົ້າຈົນເຮັດໃຫ້ເຂົາເຈົ້າທົນບໍ່ໄດ້ຕ້ອງແຍກໂຕອອກມາເປັນລັດອິດສະລະ.

ຫຼາຍມື້ຜ່ານມາມີຫຼາຍປະເທດໃນຢູໂຣບໄດ້ສົ່ງອາວຸດໃຫ້ກັບອູກາອີນການກະທໍາດັ່ງກ່າວນີ້ຈະກໍ່ໃຫ້ການປະຕິບັດການພິເສດທາງທະຫານຂອງຣັດເຊຍມີແນວໂນ້ມຈະແກ່ຍາວອອກໄປອີກ ບວກເຂົ້າກັບທ່າທີຂອງສວິດເດນ ແລະ ແຟງລັງ ທີ່ຕ້ອງການຢາກເຂົ້າເປັນສະມາຊິກນາໂຕ ຍິ່ງຈະເຮັດໃຫ້ບັນຍາກາດຂອງການເກີດສົງຄາມຄັ້ງໃຫຍ່ເກີດຂຶ້ນລວມທັງສົງຄາມນິວເຄຼຍເຊິ່ງຢູ່ໃນທ່າກຽມພ້ອມຕະຫຼອດເວລາ.

ຫວນຄືນອາດີດຫຼາຍປີກ່ອນນີ້ໜ່ວຍລົບພິເສດຂອງສ ອາເມລິກາ ເຂົ້າໄປສັງຫານບີລາເດນຢູ່ໃນດິນແດນຂອງປາກີສຖານບໍ່ເຄີຍມີໃຜເວົ້າວ່າເປັນການຮຸກຮານ ຫຼື ກໍ່ສົງຄາມເລີຍຊໍ້າບໍ່ໜໍາພັດດີໃຈເພາະໄດ້ແກ້ແຄ້ນຕໍ່ການກໍ່ວິນາດສະກັາ 911 ແລະ ກໍາລັງທະຫານ ສ ອາເມລິກາ

ທີ່ເຂົ້າໄປໃນອີຣັກໃນລີເບຍ ສັງຫານຊັດດັມ ສັງຫານກາດາພີ ກໍ່ບໍ່ຖືກເວົ້າວ່າເປັນການກໍ່ຮຸກຮານ ຫຼື ກໍ່ສົງຄາມຍ້ອນ ແນວນັ້ນການນິຍາມກ່ຽວກັບ “ສົງຄາມ” ກໍ່ຕ້ອງໄດ້

ເບິ່ງຄືນໃໝ່.

Related Posts

Leave a Reply

Your email address will not be published. Required fields are marked *