ກຽມໂຕ່ງນໍ້າໄວ້ ຈະມີການສ້ອມແປງນ້ຳປະປາ ວັນທີ 22 ກຸມພານີ້ ບາງບ້ານເມືອງໄຊທານີ, ໄຊເສດຖາ ແລະ ຈັນທະບູລີ

ກຽມໂຕ່ງນໍ້າໄວ້ ຈະມີການສ້ອມແປງນ້ຳປະປາ ວັນທີ 22 ກຸມພານີ້ ບາງບ້ານເມືອງໄຊທານີ, ໄຊເສດຖາ ແລະ ຈັນທະບູລີ ນໍ້າຈະບໍ່ປົກກະຕິ

ໃນວັນທີ 16 ກຸມພາ 2022 ລັດວິສາຫະກິດ ນໍ້າປະປານະຄອນຫຼວງວຽງຈັນ ໄດ້ອອກແຈ້ງການຈະມີການສ້ອມແປງປ່ຽນຖ່າຍຊຸດອຸປະກອນລະບົບ LPC ທີ່ຄວບຄຸມອ່າງຕອງຊາຍ ຂອງໂຮງງານຜະລິດນ້ຳປະປາ ດົງໝາກຄາຍ ລັດວິສາຫະກິດ ນ້ຳປະປາ ນະຄອນຫຼວງວຽງຈັນ ໃນວັນອັງຄານ ວັນທີ 22ກຸມພາ 2022 ເຊິ່ງຈະກະທົບຕໍ່ບັນດາລູກຄ້າຜູ້ຊົມໃຊ້ນໍ້າປະປາ ທີ່ອາໃສຢູ່ບາງບ້ານຂອງເມືອງໄຊທານີ,

ເມືອງໄຊເສດຖາ ແລະ ເມືອງຈັນທະບູລີ ນະຄອນຫຼວງວຽງຈັນ ໂດຍແຮງດັນນ້ຳປະປາ ຈະບໍ່ປົກກະຕິ ແລະ ບໍ່ພຽງພໍຕໍ່ການຊົມໃຊ້ ໃນໄລຍະທີ່ມີການສ້ອມແປງປ່ຽນຖ່າຍຊຸດອຸປະກອນລະບົບ LPC ທີ່ຄວບຄຸມອ່າງຕອງຊາຍ ຂອງໂຮງງານຜະລິດນ້ຳປະປາ ດົງໝາກຄາຍ ແລະ ໃນລະຫ່ວາງການດຳເນີນງານຈະສົ່ງຜົນໃຫ້ ນ້ຳປະປາໄຫຼອອກຄ່ອຍ ຫາ ບໍ່ມີນ້ຳ ໃນຂອບເຂດບ້ານ ດັ່ງມີລາຍລະອຽດລຸ່ມນີ້:

– ເມືອງໄຊທານີ: ບ້ານໂພນຄໍາ, ທ່າສະຫວ່າງ, ທ່າງ່ອນ, ນາ, ໂນນບໍ່ແກ້ວ, ໂນນສະອາດ, ດ່ານຊ້າງ, ດົງໝາກຄາຍ, ດອນຕິ້ວ, ດົງສ້າງຫີນ, ໄຊສະຫວ່າງ, ດອນໜູນ, ໄຊ, ນາແຄ, ຫ້ວຍເຕີຍ, ໂນນແສງຈັນ, ວຽງແກ້ວ, ຫ້ວຍແດນເມືອງ, ໜອງວຽງຄໍາ, ນາທົ່ມ, ໜອງພະຍາ, ຕານມີໄຊ, ດົງໂດກ, ສະພັງມຶກ, ຊ້າງຄູ້, ພະຂາວ, ຄຳຮຸ່ງ ແລະ ບ້ານ ສິວິໄລ.
– ເມືອງຈັນທະບູລີ: ບ້ານ ຫ້ວຍຫົງ, ໜອງທາເໜືອ, ໜອງທາໃຕ້, ຈອມມະນີ ແລະ ບ້ານ ໂພນສະຫວ່າງ.

– ເມືອງ ໄຊເສດຖາ: ບ້ານ ໜອງໜ່ຽງ, ໂນນສະຫວັນ, ຮ່ອງສຸພາບ, ອາມອນ, ໂນນສະຫງ່າ, ແສງສະຫວ່າງ,ຊຳເຄ້, ໂຊກນ້ອຍ ແລະ ບ້ານ ໂຊກໃຫຍ່.

ການປະຕິບັດວຽກງານ ໃນວັນທີ 22 ກຸມພາ 2022 ກົງກັບວັນອັງຄານ, ເລີ່ມແຕ່ເວລາ 09:00 ໂມງ ຫາ 15:00 ໂມງ;

ຂໍ້ມູນເພີ່ມຕື່ມ ໂທ: 1169 ຕະຫຼອດ 24 ຊົ່ວໂມງ

Related Posts

Leave a Reply

Your email address will not be published. Required fields are marked *