ມາມາ ມາສະແດງຄວາມຄິດເພງ “ເຮັດນາເດີ ບໍ່ໄດ້ເຮັດນົມ” ເຖິງນົມບໍ່ມີ ແຕ່ເນີນ…ອະລັງການ

ຈາກເພກ ປ່ອງຢ້ຽມພາສາ ໂພສ ມາສະແດງຄວາມຄິດເຫັນຕໍ່ກະແສເພງ “ເຮັດນາເດີ ບໍ່ໄດ້ເຮັດນົມ” ວ່າເປັນເພງຂອງນັກຮ້ອງ “ສົມບັດ, นัด ชนก” ແລະ ຜູ້ປະກອບອື່ນໆທີ່ແຕ່ງເອງຮ້ອງເອງຕາມຍຸກສະໄໝໃໝ່ ອາໄສການສ້າງຄວາມບັນເທີງດ້ວຍກາາເຜີຍແຜ່ລົງຢູທູບ ແລະ ຊ່ອງທາງອອນລາຍອື່ນໆ.

ໂດຍບໍ່ໄດ້ເນັ້ນການນຳໃຊ້ຢ່າງເປັນທາງການ ໝາຍຄວາມວ່າບໍ່ໄດ້ຜ່ານຂັ້ນຕອນໃດໆຕາມຫຼັກການຂອງ ຖວທ ແລະ ລະບຽບການດ້ານສື່ໃດໆ.ເພງນີ້ຖືກເຜີຍແຜ່ລົງຊ່ອງທາງຢູທູບ SOMBATH.97 ວັນທີ 1 ມັງກອນ 2022 ເປັນລືກງາມຍາມດີ (ນັບໄດ້ 11 ມື້ນີ້ ວັນທີ 11ມັງກອນ 2022) ມີຜູ້ເຂົ້າຟັງແລ້ວເກືອບ 3 ລ້ານຄົນ ແລະ.

ຖືກຮ້ອງຊໍ້າໃນແພັດຟອມຕ່າງໆຈຳນວນຫຼາຍຈົນກາຍເປັນກະແສ.ດ້ານເນື້ອເພງ ເປັນການຮ້ອງຕອບກັນລະຫວ່າງຍິງ-ຊາຍ ຜູ້ຍິງເລີ່ມກ່ອນ ແລ້ວຈຶ່ງມີຜູ້ຊາຍສອດແຊກເຂົ້າມາຕາມຈັງຫວະດັ່ງນີ້:ຍິງ ເຮັດນາເດີ ບໍ່ໄດ້ເຮັດນົມບໍ່ຕ້ອງມາຈົ່ມວ່ານົມຂ້ອຍບໍ່ມີ ເນີນນົມອາດຊິບໍ່ມີ ແຕ່ເນີນXີ ອະລັງການບາດວ່າຕອນຢູ່ບ້ານເຈົ້າຄືບໍ່ໄລ່ຂ້ອຍໜີ

ທຸກມື້ກະເຮັດແຕ່ໄຮ່ ເຮັດແຕ່ສວນ ເຮັດແຕ່ນາຫາປູຫາປາ ບໍ່ແມ່ນດາລາເກົາຫຼີ ມັນຕິດທີ່ອ້າຍນັ້ນມັນນິດໄສບໍ່ດີ ….ຂ້າພະເຈົ້າໄດ້ຍິນບັນຫາຊາວເນັດໂຈດຂານກັນຫຼາຍສົມຄວນທັງດ້ານພາສາ, ຮູບການແຕ່ງຕ່າງໆ ຈຶ່ງໄດ້ເຂົ້າໄປຟັງເບິ່ງ ດ້ວຍໃຈເປັນກາງ ຈຶ່ງຂໍເວົ້າດັ່ງນີ້:ດ້ານເນື້ອໃນ:

ໂດຍລວມເນື້ອໃນເພງເວົ້າເຖິງການຕອບໂຕ້ຂອງຝ່າຍຍິງສາວທີ່ຖືກຝ່າຍຊາຍ ຫຼື ບ່າວສໍ່ານ້ອຍໄທບ້ານດຽວກັນເວົ້າສຽດສີໃສ່ເລື່ອງສະລີລະຮ່າງກາຍ ແລະ ເວົ້າເຖິງນິດໄສສ່ວນເລິກຂອງຜູ້ຊາຍທີ່ມັກຄະນອງປາກເລື່ອງຂອງຜູ້ຍິງ.ການຕອບໂຕ້ດ້ວຍວະລີທີ່ເປີດແປນຝ່າຍຍິງອາດຈະເຫຼືອອົດກັບການເວົ້າສຽດສີຂອງຝ່າຍຊາຍ ເລື່ອງນົມນ້ອຍ ໂດຍປຽບທຽບວ່າ “ຈໍແບນ” ເປັນສິ່ງທີ່ຜູ້ຍິງບໍ່ມັກສຸດໃຈ ຈຶ່ງຕອບກັບໄປແບບແປນໆຄືກັນວ່າ:

ເນີນນົມບໍ່ມີ ແຕ່ເນີນຫີອະລັງການ”ເນື້ອໃນວັກນີ້ ຖືວ່າເປັນບ່ອນກິນສຳລັບເພງນີ້ໄວໜຸ່ມຖືກໃຈ ເຮັດໃຫ້ຜູ້ໃຫຍ່ຫຼາຍຄົນບໍ່ມັກນຳຍ້ອນວ່າເວົ້າເປີດແປນໂພດ ແລະ ພ້ຽນພາສາ ໂດຍສະເພາະການອອກສຽງຕໍ່າ-ສັ້ນວ່າ “ຮິ” ແຕ່ຕ້ອງເຂົ້າໃຈການອອກສຽງເຕັມໆອາດຈະເຮັດໃຫ້ຜິດຕໍ່ກົດຂອງຢູທູບ ແລະ ເຟສບຸກ ເຖິງຂັ້ນຖືກປິດກັ້ນກໍເປັນໄດ້ ຜູ້ຮ້ອງອາດຄຳນຶງເຖິງຈຸດນີ້.

ສຳລັບການຕອບໂຕ້ແບບກົງໆຂອງຝ່າຍຍິງນີ້ ບໍ່ໄດ້ມີສະເພາະໃນເພງນີ້ເພງດຽວ ແຕ່ເຄີຍມີໃນຜະຫຍາບູຮານລາວມາກ່ອນໜ້ານີ້ແລ້ວ ໂດຍຝ່າຍຊາຍເວົ້າວ່າ: “ຕະຕ່າງລ່າງ ເຈົ້າຜູ້ທ້າຍຕ່າງລ່າງ ຂຸມຂີ້ຍາງນ້ອງຄືຊິໃຫຍ່” (ໃຊ້ປຽບທຽບອະໄວຍະວະເພດຍິງວ່າຂຸມຂີ້ຍາງ)ຜູ້ຍິງຕອບວ່າ: “ໃຫຍ່ບໍ່ໃຫຍ່ບໍ່ຮູ້ ສິບໂຄດເຈົ້າ ຊາວໂຄດເຈົ້າມາເຂົ້າກະບໍ່ເຕັມ” (ໝາຍເຖິງໃຫຍ່ອະລັງການ)ຕອບໂຕ້ແບບຊີ້ແຈງເຫດຜົນ ເຊັ່ນ:

“ເຮັດນາເດີ ບໍ່ໄດ້ເຮັດນົມ”ໃນເພງກໍບອກຊັດເຈນວ່າ ເປັນຜູ້ສາວໄທບ້ານ ຢູ່ແບບບ້ານໆ ບໍ່ໄດ້ມັກໂອ້ອວດຫຸ່ນຮອຍໃຫ້ໃຜເບິ່ງ ເພາະຕັ້ງໃຈເຮັດນາ ບໍ່ໄດ້ເຮັດນົມ ອາດຈະໝາຍເຖິງວ່າ ຄັນຮັກຂ້ອຍກໍຢ່າວ່າແຕ່ເລື່ອງນົມຫຼາຍ ຮັກກັນດ້ວຍໃຈ ປະມານນີ້.

ຕອບແບບດ່າກັບຄືນ “ທຸກມື້ກະເຮັດແຕ່ໄຮ່ ເຮັດແຕ່ສວນ ເຮັດແຕ່ນາຫາປູຫາປາ ບໍ່ແມ່ນດາລາເກົາຫຼີ ມັນຕິດທີ່ອ້າຍນັ້ນມັນນິດໄສບໍ່ດີ”ເປັນການຕອບແບບສະທ້ອນກັບວ່າ ເປັນນຳນິດໄສ (ອາດຈະວ່າສັນດານກໍແມ່ນ) ຂອງຜູ້ຊາຍທີ່ມັກປະເມີນຄ່າຂອງຜູ້ຍິງທີ່ຮູບຮ່າງ, ມັກເບິ່ງນົມຜູ້ຍິງເພື່ອບຳເລີສາຍຕາ, ເບິ່ງຜູ້ຍິງເປັນພຽງຂອງຫຼິ້ນ ໂດຍບໍ່ຄຳນຶງເຖິງຈິດໃຈຂອງຜູ້ຍິງ ບໍ່ເບິ່ງຊີວິດການເປັນຢູ່ຂອງຜູ້ຍິງ ມັກແຕ່ທຽບກັບຄົນອື່ນໄປຕ່າງໆນານາ.

ສຳລັບເນື້ອໃນຝ່າຍຊາຍຮ້ອງ ກໍເປັນການສະແດງໃຫ້ເຫັນນິດໄສຂອງຜູ້ຊາຍທັງຫຼາຍ ໂດຍສະເພາະຄຳວ່າ:“ຈັກເປັນອີ່ຫຍັງ ບໍ່ຕ້ອງມາຊັງ ກໍມັນເປັນຄວາມຈິງຄືຄຳເຂົາວ່າ”“ຈໍແບນແມ່ຈໍແບນ ຈໍແດນໜຸ່ມຈໍແດນລໍ້ເລ່ນລໍ້ເລ່ນອ້າຍລໍ້ເລ່ນ ຢ່າເພິ່ງນ້ອຍໃຈມັນອາດຈະມີລາງເທື່ອ ທີ່ເຫັນໝາກພ້າວໜ່ວຍໃຫຍ່.

ມັນອາດໂດນຈິດໂດນໃຈໃຫ້ມີເລື່ອງປວດຫົວມັນອາດຈະມີເຜີ ບາງທີອາດຈະມີເດີ ຄົນທີ່ຜ່ານໄປກໍເປັນພຽງອາຫານຕາ”ເປັນການສະແດງໃຫ້ເຫັນວ່າ ຜູ້ຊາຍສ່ວນຫຼາຍມັກເອົາຮູບຮ່າງໜ້າຕາ, ສະລີລະຮ່າງກາຍ ແລະ ພາບລັກທາງກາຍຂອງຜູ້ຍິງມາເວົ້າຢອກເວົ້າມ່ວນແບບຄະນອງປາກໄປວັນໆໂດຍບໍ່ຄຳນຶງເຖິງຄວາມຮູ້ສຶກຂອງຜູ້ຍິງ ອາດຈະເວົ້າຕົບທ້າຍວ່າຢອກ ແລະ ທີ່ຢອກຍ້ອນມັກຮັກກໍຕາມ ມັນບໍ່ໄດ້ດາມຄວາມຮູ້ສຶກໃຫ້ຝ່າຍຍິງໄດ້.

ສຳລັບເນື້ອໃນຂ້າພະເຈົ້າບໍ່ເຂົ້າໃຈແຕ່ບ່ອນວ່າ:“ບາດວ່າຕອນຢູ່ບ້ານເຈົ້າຄືບໍ່ໄລ່ຂ້ອຍໜີ”ຈຸດນີ້ຜູ້ແຕ່ງອາດລືມເຖິງບໍລິບົດທາງສັງຄົມ ແລະ ສິດຂອງພົນລະເມືອງລາວ ວ່າ ເຮົາຢູ່ໃນບ້ານ, ເມືອງ ເຖິງຈະບໍ່ມັກໃຜຄົນໜຶ່ງໜ້ອຍຫຼາຍພຽງໃດກໍຕາມ ບໍ່ສາມາດໄລ່ໃຜໜີໂດຍລຳພັງໃຈໄດ້ ເຖິງແມ່ນວ່າເຮັດຜິດກໍຕ້ອງໃສ່ໂທດຕາມກົດໝາຍ, ບໍ່ມີສິດໄລ່ໜີ ດັ່ງນັ້ນ ວັກນີ້ຖືວ່າບໍ່ເໝາະສົມ.

ສ່ວນດ້ານສິລະປະການແຕ່ງເພງ ແລະ ດົນຕີ ຖືວ່າເຂົາກັບຍຸກສະໄໝ ຈະບໍ່ຂໍເວົ້າເຖິງລາຍລະອຽດເພາະແຕ່ລະຄົນມີຄວາມອິດສະຫຼະຂອງແຕ່ລະຍຸກແຕ່ລະສະໄໝ ຄວາມມັກຄວາມມ່ວນແຕ່ລະໄວບໍ່ຄືກັນ ຂໍໃຫ້ເຮັດຕາມຄວາມມັກໄປກ່ອນໂລດ ເລື່ອງລະບຽບທາງການກໍຈັ່ງຄ່ອຍວ່າກັນ ເພາະໄລຍະຜ່ານມາກໍບໍ່ເຫັນເພິ່ນເຮັດຫຍັງກັບເພງ ກັບການໃຊ້ພາສາຂອງສັງຄົມຢູ່ແລ້ວ.

ຈັກຍັງພາກັນເຮັດວຽກຢູ່ຫຼືບໍ່?ສຳລັບເພງນີ້ ຖ້າຄະແນນ 10 ແອັດມິນໃຫ້ 9 ຕັດອອກຄະແນນ1 ຍ້ອນວັກ “ບາດວ່າຕອນຢູ່ບ້ານເຈົ້າຄືບໍ່ໄລ່ຂ້ອຍໜີ”ເພງນີ້ມັນສ່ອງແສງເຖິງບັນຫາໃຫຍ່ສຳລັບຍິງ-ຊາຍ, ບ່າວ-ສາວ ຂອງສັງຄົມແຕ່ອະດີດຈົນເຖິງປັດຈຸບັນ ບໍ່ໄດ້ສະເພາະແຕ່ສັງຄົມລາວລວມທັງຜູ້ຊາຍທັງໂລກ (ອາດບໍ່ໝົດທຸກຄົນ) ທີ່ຜູ້ຊາຍມັກເວົ້າສຽດສີຜູ້ຍິງ, ເບິ່ງຜູ້ຍິງເປັນພຽງຂອງຫຼິ້ນ,

ລວນລາມຜູ້ຍິງດ້ວຍສາຍຕາ ແລະ ທ້າທາຍຕໍ່ພາກສ່ວນກວດສອບເນື້ອໃນພາສາພໍສົມຄວນ..ແຕ່ກົງກັນຂ້າມກັບຜູ້ຍິງທັງຫຼາຍຫຼາຍຕ້ອງຍອມຮັບຊາຕາກຳນັ້ນມາໂດຍຕະຫຼອດ, ເຖິງແມ່ນວ່າຜູ້ຍິງຫຼາຍໆຄົນທີ່ທົນຕໍ່ການສຽດສີບໍ່ໄດ້ຕ້ອງໄປເສີມດັງ, ເສີມນົມ, ແຕ່ງໜ້າທາເລັບ, ແຕ່ງອົງຊົງແປ້ງ ແລະ ສິ້ນເປືອງໄປກັບການເຮັດໃຫ້ຕົນເອງສວຍງາມໃນສາຍຕາຂອງຝ່າຍຊາຍ

ທາງທີ່ດີ ຜູ້ຊາຍຄວນສຳນຶກ ແລະ ຫັນມາໃຫ້ກຽດຜູ້ຍິງ, ບໍ່ຄວນເບິ່ງຜູ້ຍິງພຽງຮູບຮ່າງພາບນອກ ເພາະຄົນເຮົາຈະງາມ ບໍ່ແມ່ນພຽງຮູບຮ່າງໜ້າຕາ ແຕ່ມັນມີຫຼາຍອົງປະກອບຂໍໃຫ້ເພງນີ້ເປັນພາບສະທ້ອນໃນທາງທີ່ດີຕໍ່ສັງຄົມ ເປັນຕົວແທນ ໃນແງ່ການຕອບໂຕ້ຈາກໃຈຂອງຝ່າຍຍິງຕໍ່ສັງຄົມດ້ວຍ.

ເພື່ອບໍ່ໃຫ້ຖືກສຽດສີຈາກຝ່າຍຊາຍ ແຕ່ກໍບໍ່ໄດ້ໝາຍຄວາມວ່າທຸກຄົນຈະເຮັດໄດ້ ເນື່ອງດ້ວຍສະພາບປັດໄຈ ແລະ ການເປັນຢູ່ຂອງແຕ່ລະຄົນບໍ່ຄືກັນ.

ຊົມຄລີບ.

ຈາກ: ປ່ອງຢ້ຽມພາສາລາວ

Related Posts

Leave a Reply

Your email address will not be published.