ທ່ານ ດູເຕີເຕ ໄຟຂຽວເຈົ້າໜ້າທີ່ຈັບຄົນບໍ່ສັ ກວັ ກຊີນແລ້ວອອກນອກເຮືອນ

ທ່ານ ດູເຕີເຕ ໄຟຂຽວເຈົ້າໜ້າທີ່ຈັບຄົນບໍ່ສັກວັກຊີນແລ້ວອອກນອກເຮືອນ

ທ່ານ ດູເຕີເຕ ໄຟຂຽວເຈົ້າໜ້າທີ່ຈັບຄົນບໍ່ສັກວັກ ຊີນແລ້ວອອກນອກເຮືອນ, ຊີ້ຄົນບໍ່ສັກວັກຊີນເຮັດ ໃຫ້ຄົນອື່ນສ່ຽງອັນຕະລາຍ ຫລັງຈໍານວນຜູ້ຕິດເຊື້ອ ໂຄວິດໃນຟິລິບປິນເພີ່ມ 2 ໝື່ນກວ່າຄົນໃນວັນ ດຽວ.

ວັນທີ 8 ມັງກອນ 2022, ເວັບໄຊ Al Jazeera ລາຍງານວ່າ: ທ່ານ ໂຣດຣິໂກ ດູເຕີເຕ ປະທານາທິບໍ ດີຟີລິບປິນ ຖະແຫລງໃນວັນທີ 6 ມັງກອນ ໂດຍ ອອກຄຳສັ່ງໃຫ້ເຈົ້າໜ້າທີ່ທ້ອງຖິ່ນເລັ່ງປຸກລະດົມ ຫລື ບັງຄັບປະຊາຊົນໃຫ້ໄປສັກວັກຊີນປ້ອງກັນໂຄ ວິດ ແລະ ຖ້າມີໃຜບໍ່ຍອມໄປຮັບວັກຊີນປ້ອງກັນໂຄ ວິດແລ້ວຍັງອອກຈາກເຮືອນໄປເຮັດກິດຈະກຳຕ່າງໆ ໃນຊຸມຊົນ ເຈົ້າໜ້າທີ່ສາມາດໃຊ້ກຳລັງຈັບກຸມໄດ້ ທັນທີ.

ເຖິງວ່າຈະຖືກເບິ່ງວ່າຄໍາສັ່ງດັ່ງກ່າວອາດບໍ່ຖືກຕ້ອງ ຕາມກົດໝາຍ, ແຕ່ທ່ານ ດູເຕີເຕ ລະບຸວ່າ: ນີ້ເປັນ ສະຖານະການສຸກເສີນ ແລະ ເປັນເລື່ອງທີ່ທຸກຄົນ ຕ້ອງຄວບຄຸມການລະບາດ ເຊິ່ງກ່ອນໜ້ານີ້ ທ່ານ ເຄີຍຂູ່ຈັບກຸມປະຊາຊົນທີ່ຝ່າຝືນມາດຕະການລັອກ ດາວ ແລະ ປະຕິເສດການສັກວັກຊີນໃນການ ລະບາດຂອງສາຍພັນເດວຕາໃນປີຜ່ານມາ.

ຜູ້ນໍາຟີລິບປິນຍັງຮຽກຮ້ອງໃຫ້ປະຊາຊົນເລັ່ງໄປສັກ ວັກຊີນ ເພາະການບໍ່ໄປສັກວັກຊີນຈະເຮັດໃຫ້ທຸກ ຄົນສ່ຽງອັນຕະລາຍຈາກໄວຣັສທີ່ກຳລັງແພ່ລະບາດ ຢ່າງວ່ອງໄວໃນຊຸມຊົນ ແລະ ໃນໂລກຂອງເຮົາ.

ທ່າທີຫລ້າສຸດຂອງຜູ້ນຳຟີລິບປິນເກີດຂຶ້ນຫລັງຈາກ ຈໍານວນຜູ້ຕິດເຊື້ອໂຄວິດ-19 ໃນຟີລິບປິນກຳລັງ ເພີ່ມສູງຂຶ້ນ ໂດຍຈຳນວນຜູ້ຕິດເຊື້ອຫລ້າສຸດໃນ ໄລຍະ 24 ຊົ່ວໂມງຜ່ານມາມີຢ່າງໜ້ອຍ 21.819 ຄົນ. ຂະນະດຽວກັນ ທາງການຟີລິບປິນຍັງພົບ ອັດຕາການກວດແລ້ວພົບເຊື້ອໂຄວິດສູງເຖິງ 40% ນຳອີກ ເຊິ່ງຜູ້ຕິດເຊື້ອສ່ວນຫລາຍພົບຢູ່ນະຄອນ ຫລວງມະນິລາ ແລະ ເມືອງທີ່ຢູ່ໃກ້ຄຽງ.

ຜູ້ຊ່ຽວຊານປະເມີນວ່າ: ຜູ້ຕິດເຊື້ອໃໝ່ໃນຟີລິບປິນ ອາດຕິດເຊື້ອໂຄວິດສາຍພັນໂອມິຄຣອນ ເຊິ່ງມີທ່າ ອ່ຽງແພ່ເຊື້ອໄວກວ່າສາຍພັນກ່ອນໜ້າ, ພ້ອມ ສະແດງຄວາມກັງວົນວ່າ: ຈຳນວນຜູ້ຕິດເຊື້ອໃນ ຟີລິບປິນອາດເພີ່ມສູງຂຶ້ນຢ່າງຕໍ່ເນື່ອງ ແລະ ອາດ ເຖິງຈຸດສູງສຸດໃນທ້າຍເດືອນນີ້.

ຂະນະທີ່ອັດຕາການສັກວັກຊີນປ້ອງກັນໂຄວິດຂອງ ຟີລິບປິນ ມີປະຊາຊົນໄດ້ຮັບວັກຊີນແລ້ວປະມານ 50% ໂດຍໃນຈຳນວນນີ້ມີຜູ້ຮັບວັກຊີນຄົບໂດສ ປະມານ 34% ເທົ່ານັ້ນ.ທີ່ມາ: ໜັງສືພິມລາວພັດທະນາ

Related Posts

Leave a Reply

Your email address will not be published. Required fields are marked *