ມາໃໝ່ອີກແລ້ວ! ຝຣັ່ງກວດພົບເຊື້ອໂຄວິດ-19 ສາຍພັນໃໝ່ ທີ່ມີຊື່ວ່າ IHU

ມາໃໝ່ອີກແລ້ວ! ຝຣັ່ງກວດພົບເຊື້ອໂຄວິດ-19 ສາຍພັນໃໝ່ ທີ່ມີຊື່ວ່າ IHU

ເຊິ່ງກວດພົບຈາກຜູ້ຕິດເຊື້ອ 12 ກໍລະນີ ທີ່ຢູ່ເມືອງມາເຊ ປະເທດຝຮັ່ງ ຕາມການລາຍງານຂອງ Business Insider. ນັກວິໄຈກ່າວວ່າ ສາຍພັນຊະນິດນີ້ມີຊື່ໃນທາງວິທະຍາສາດວ່າ B.1.640.0 ມີການກາຍພັນມາແລ້ວ 46 ຄັ້ງ.

ຢ່າງໃດກໍຕາມ, ຍັງບໍ່ມີການກວດພົບສາຍພັນນີ້ຢູ່ນອກປະເທດຝຣັ່ງເທື່ອ, ອົງການອານະໄມໂລກຍັງບໍ່ໄດ້ລະບຸວ່າເປັນສິ່ງທີ່ໜ້າກັງວົນ.

ເຊື້ອໄວຣັສສາຍພັນ IHU ແມ່ນຈະແຜ່ເຊື້ອໄດ້ງ່າຍ ແລະ ສາມາດແຜ່ສູ່ຄົນໄດ້ຫຼາຍຂຶ້ນ ແຕ່ກໍຍັງບໍ່ມີຂໍ້ສະຫຼຸບວ່າອາການຈະແຕກຕ່າງໄປຈາກເຊື້ອ ໂຄວິດ-19 ສາຍພັນອື່ນໆ ຫຼື ບໍ່Eric Feigl-Ding ນັກວິທະຍາສາດທີ່ມີຊື່ສຽງໄດ້ກ່າວໃນບັນຊີ Twitter ຂອງເຂົາວ່າ.

“ໃນປັດຈຸບັນ, ເຊື້ອໂຄວິດ-19 ໄດ້ມີສາຍພັນໃໝ່ໆ ຈໍານວນຫຼາຍທີ່ຖືກຄົ້ນພົບຢູ່ຕະຫຼອດ ແຕ່ກໍບໍ່ໄດ້ໝາຍຄວາມວ່າພວກມັນຈະອັນຕະລາຍເພີ່ມຂຶ້ນສະເໝີໄປ, ສິ່ງທີ່ເຮັດໃຫ້ໄວຣັສສາຍພັນໃໝ່ເປັນທີ່ຮູ້ຈັກ ແລະ ອັນຕະລາຍຫຼາຍຂຶ້ນຄືຄວາມສາມາດໃນການແຜ່ເຊື້ອໄດ້ໄວຂຶ້ນ ທີ່ແຕກຕ່າງຈາກເກົ່ານັ້ນເອງ”.

ຂໍ້ມູນຈາກ: DeseretNews

Related Posts

Leave a Reply

Your email address will not be published. Required fields are marked *