2​ ປີຜ່ານມາ​ ໂ ຄ ວິ ດ​ ໄດ້ສ້າງຜົນກະທົບຢ່າງໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ

2​ ປີຜ່ານມາ​ ໂຄວິດ-19​ ໄດ້ສ້າງຜົນກະທົບຢ່າງໃຫຍ່ຫຼວງຕໍ່ການພັດທະນາເສດຖະກິດ-ສັງຄົມ

ທ່ານ​ ນາງ​ ສວນສະຫວັນ ວິຍາເກດ ລັດຖະມົນຕີ​ກະຊວງ​ຖະແຫຼງຂ່າວ​ ວັດທະນາທຳ ແລະ​ ທ່ອງທ່ຽວ​ ກ່າວໃນກາງເດືອນທັນວາ​ 2021​ ຜ່ານມາວ່າ: ການແຜ່ລະບາດຂອງພະຍາດໂຄວິດ-19 ຕະຫຼອດໄລຍະ ເກືອບ 2 ປີຜ່ານມາ ໄດ້ມີຜົນກະທົບໃຫຍ່ຫຼວງຕໍ່ການພັດທະນາເສດຖະກິດ-ສັງຄົມຂອງປະເທດ; ຂະແໜງການທ່ອງທ່ຽວໄດ້ຮັບຜົນກະທົບຢ່າງໜັກຈາກການລະບາດດັ່ງກ່າວ.

ຈາກຜົນການສຳຫຼວດໄດ້ຢັ້ງຢືນໃຫ້ເຫັນວ່າລາຍຮັບໃນຂະແໜງການທ່ອງທ່ຽວຫຼຸດລົງສະເລ່ຍເກືອບ 65% ຜູ້ປະກອບການໄດ້ນຳໃຊ້ມາດຕະການຕ່າງໆ ເພື່ອປະຄັບປະຄອງທຸລະກິດຂອງຕົນເຊັ່ນ: ຫຼຸດຈຳນວນພະນັກງານລົງ (62%), ຫຼຸດຄ່າຈ້າງງານ (36%), ຫຼຸດຊົ່ວໂມງດຳ
ເນີນກິດຈະການ (37%), ບາງທຸລະກິດກໍຈຳເປັນໄດ້ເພີ່ມການກູ້ຢືມເງິນ (4.7%).

ຫົວໜ່ວຍທຸລະກິດຈຳນວນບໍ່ໜ້ອຍຕ້ອງປິດກິດຈະການ ຫຼື ຕ້ອງຫັນຈາກທຸລະກິດການບໍລິການໄປສູ່ທຸລະກິດອື່ນເພື່ອສາມາດປະຄັບປະຄອງໃຫ້ຢູ່ລອດ, ໃນທ່າມກາງອຸປະສັກທີ່ໃຫຍ່ຫຼວງ ພັກ-ລັດຖະບານພວກເຮົາກໍບໍ່ໄດ້​ລົດລະຄວາມພະຍາຍາມໃນການຊີ້ນຳ ນຳພາການຟື້ນຟູເສດຖະກິດຂອງຊາດເວົ້າລວມ ເວົ້າສະເພາະກໍຄືຂະແໜງການທ່ອງທ່ຽວ, ໄລຍະທີ່ຜ່ານມາຂະແໜງການທີ່ກ່ຽວຂ້ອງທັງພາກລັດ ແລະ ພາກທຸລະກິດໄດ້ຮ່ວມກັນປະຄັບປະຄອງ ເພື່ອໃຫ້ສາມາດຢູ່ລອດ ແລະ ຂ້າມຜ່ານວິກິດການນີ້ໄປດ້ວຍກັນ.

ມາເຖິງເວລານີ້ ເຖິງແມ່ນວ່າສະພາບການລະບາດ ຂອງພະຍາດໂຄວິດ-19 ຢູ່ ສປປ ລາວ ຍັງບໍ່ມີທ່າອ່ຽງຫຼຸດລົງ
ຫຼື ໝົດສິ້ນໄປແຕ່ພວກເຮົາກໍບໍ່ໄດ້ລົດລະຄວາມພະຍາຍາມໃນການຟື້ນຟູການທ່ອງທ່ຽວຢ່າງຕໍ່ເນື່ອງ.
ດັ່ງນັ້ນ, ລັດຖະບານຈຶ່ງໄດ້ຕົກລົງໃຫ້ເປີດການຕ້ອນຮັບນັກທ່ອງທ່ຽວຈາກຕ່າງປະເທດໃນເຂດທ່ອງ
ທ່ຽວສີຂຽວ.

Related Posts

Leave a Reply

Your email address will not be published. Required fields are marked *