ສະກັດຈັບ ຜູ້ລັກລອບ ຂົນສົ່ງຄັນຊາ 300 ກວ່າກິໂລກຼາມ

ສະກັດຈັບ ຜູ້ລັກລອບ
ຂົນສົ່ງຄັນຊາ 300 ກວ່າກິໂລກຼາມ.

…………..
ໃນວັນທີ 15 ທັນວາ 2021, ເຈົ້າໜ້າທີ່ ປກສ ເມືອງຄູນຄໍາ ແຂວງຄໍາມ່ວນ ສາມາດສະກັດລົດນິດສັນນາວາລາ ທີ່ຂົນສົ່ງຄັນຊາອັດແທ່ງ ຈໍານວນ 9 ເປົ໋າ ລວມນໍ້າໜັກ 352 ກິໂລກຼາມ ພ້ອມກັບ ຢາ ບ້າ ຈໍານວນໜຶ່ງ ແລະ ຜູ້ຖືກຫາອີກ 2 ຄົນໄປດໍາເນີນຄະດີໄດ້.

ເຈົ້າໜ້າທີ່ ປກສ ເມືອງຄູນຄໍາ ເປີດເຜີຍວ່າ ໃນວັນທີ 14 ທັນວາ 2021 ຈະມີການຂົນສົ່ງຢາເສບຕິດ ມາແຕ່ເມືອງຄໍາເກີດແຂວງບໍລິຄໍາໄຊ ໂດຍຜ່ານ ເມືອງຄູນຄໍາ ແຂວງຄໍາມ່ວນ ຈາກນັ້ນ, ປະສານສົບກັບໜ່ວຍງານກ່ຽວຂ້ອງ ສະກັດເປົ້າໝາຍດັ່ງກ່າວ; ມາຮອດເວລາ 6:40 ໂມງຂອງວັນທີ 15 ທັນວາ 2021 ຈຶ່ງໄດ້ພົບເຫັນລົດກະບະຍີ່ຫໍ້ NISSAN ສີຂາວໝາຍເລກທະບຽນ ກກ 6855 ຄໍາມ່ວນ ໄດ້ຂັບຂີ່ມາແຕ່ທາງ ຫຼັກ 20 ເມືອງຄໍາເກີດແຂວງບໍລິຄໍາໄຊ ຈະມຸ່ງໜ້າໄປທາງແບ່ງບ້ານວຽງຄໍາ ເມືອງປາກກະດິງ ແຂວງບໍລິຄໍາໄຊ ແລະ ພໍມາຮອດປ້ອມສາມແຍກກອງລໍເຈົ້າໜ້າທີ່ຕໍາຫຼວດ ປກສ ເມືອງຄູນຄໍາ ຈຶ່ງໄດ້ສະກັດກັ້ນ ແລະ ກັກຕົວ.

ຜູ້ຖືກຫາຊື່ ທ້າວ ຄໍາຮອນ ອາຍຸ 36 ປີ ບ້ານຫ້ວຍແກ້ວ ເມືອງຄໍາເກີດ ແຂວງບໍລິຄໍາໄຊ ແລະ ທ້າວ ສຸວັນໂນ ອາຍຸ 25 ປີ ບ້ານນາບົງ ເມືອງທ່າແຂກ ແຂວງຄໍາມ່ວນ ປະເພດຄັນຊາແຫ້ງ (ອັດແທ່ງ) ຈໍານວນ 9 ເປົ໋າ ມີນ້ໍາໜັກລວມ 352 ກິໂລກຼາມ ແລະ ກວດຄົ້ນຕົວ ທ້າວ ຄໍາຮອນ ພົບເຫັນຢາເສບຕິດ ປະເພດຢາບ້າ ຈໍານວນ 12 ເມັດ ຢູ່ຖົງໂສ້ງຜູ້ກ່ຽວ.

Related Posts

Leave a Reply

Your email address will not be published.